Rengeasek
A Omelsemel a Klaumerang er Ngak
Ser al 13 a rekik, ak ulmuchel el menguiu er a Babier er a Mormon er a bekel sils, e milukngeltengat er a bekel sils el me lmuut er elechang.
A Sunday School er kemam el 13 a rekmam a luldengei el kmo ngdimlak kim delodau. Ngdi, kmal mle ungil a sensei er kemam el millasem el mor sel tkul er bab el lolischakl a suobel el okiu a Reng. A tang er ngii el suobel a omengiuel a edaol llechukl.
A uriul er a omesubel ngii el suobel eng milskemam a kiram el rullii. Tiang a mle kirel kemam el rokui ngdi kmong ngerang a uchul eng di ulmes er ngak er al dung el kmo, “Ngsoak a omonguiu er a Babier er a Mormon er a bekel sils!” Ak di mlo elellakl e melbedebek, “Ak mo ochotii er kau. Ak mo rullii!”
Ak ulemuchel er a 1 Nephi kot el bliongel er sel kesus e millemolem el menguiu er a bekel sils. Al tang ser a kumuchel eng dimlak el melemalt a renguk, ngdi kelteketel a taem eng di mlo ungil a renguk sel kunguiu er a Babier er a Mormon. A omengiuel er a bekel kesus a mlo soak.
Ngmlo buil er a uriul e ak mermang er a Alma 32e mlo mechas a renguk er sel uldasu er a omelsemel a klaumerang. Sel kim ngara school e aki melasem a tekoi er a omesubel a science, mak mlo utubaruach e melekoi er a Edam er a Babeluades el kmo a kumechelang. Ak ullengit el kmo bo kudengei el kmo a Babier er a Mormon a merang.
Sel bo kulatk er ngii, ak medengei el kmo a Edam er a Babeluades a mlo betok el onger er a nglunguchek. A omengiuel a Babier er a Mormon a silisichii a renguk el mtok a mekngit. Ak ulmelchesiu er ngak el mengai el mo kmeed er a Edam er a Babeluades. Ak milchesuar a klisichel a Edaol Reng el silisichak el choroid a olibesongel. Al dilung a Alma el kirel omelsemel a tekingel a Dios a merang: “Ngulemuchel kilungii a delbengek; oi, ngulemuchel meklemesii a renguk el kirel a klemedengei, oi, ngulemuchel el kmal mlo soak” Alma 32:28.