Blong Ol Yut

Wanem Hem I Tru Samting we I Naes?

Presiden Monson i talem long mesej blong hem, “Long wol blong yumi, oltaem oli tekem gudfala fasin i kam olsem nambatu samting, be bodi mo fes i naes o ol samting we oli stap pulum ae mo tingting blong man, oli kam fas samting.” Ating ol yang woman oli wokhad blong jenisim stret pikja blong olgeta; olsem stret fes blong olgeta mo wanem oli save kam. Tingbaot ol tingting ia abaot tru samting we i naes, we i kam long Elda Lin J. Robins blong Olgeta Seventi:

Wan yang woman we fes blong hem i saen wetem hapines mo klin fasin i soemaot naes samting we i stap insaed long hem.
Klin smael i samting we i naes tru taem hem i saenaot hemwan long wan nomol fasin nomo. Tru naes samting ia, yu no save putum peint long hem, be hem i wan presen we i kam long Spirit.
Fasin blong dresap gud hem i wan saen long aotsaed mo i wan samting we yu mas mekem blong yu stap naes insaed long yu.
Sapos yu no glad long olsem wanem yu luk, i gud blong yu luk yu tru long ol ae blong olgeta we oli lavem yu. Naes samting we i haed we olgeta we oli lavem yu nomo oli luk, i save stap olsem wan mira blong mekem yuwan i kam antap.
Kaen man we wan woman blong klin fasin i wantem blong maredem, hem tu, “i no luk” olsem man hem i luk long ae blong hem (luk long Fas Samuel 16:7). Man ia bae i go from tru naes samting we woman ia i soemaot insaed long klin mo glad hat blong hem. Hemia i tru tu blong wan yang woman we i stap lukaotem wan yang man blong klin fasin.
Papa blong yumi long Heven i wantem evri pikinini blong Hem oli jusum raet, we hem i wei ia nomo, blong kasem hapines we i stap oltaem mo naes samting we i stap insaed.
Wetem Lod, i no gat kompetisen. Evriwan i gat wan janis we i semmak blong gat pikja blong Hem i stap long ol fes blong olgeta (luk long Alma 5:19). I no gat naes samting we i moa tru.

Blong ridim ful mesej, luk long Lin J. Robins, “True Beauty,” New Era, Nov. Ol yang man oli save faenem semfala advaes olsem long Erol S. Fipen, “Wan Dakdak we I No Naes o Wan Naesfala Swan? I Stap Long Yu Nomo,” Liahona, Oktoba 2009, 36.