Visiting Tijing Mesej, Jun 2010
Stap Riniu Ol Kavenan Tru long Sakramen
Tijim ol skripja mo ol toktok ia o, sapos i gat nid, tijim wan narafala prinsipol we bae i save blesem ol sista we yu stap visitim. Serem testemoni blong yu abaot doktrin ia. Invaetem olgeta we yu stap visitim blong serem wanem oli bin filim mo lanem.
Jisas Kraes I Statem Sakramen
“Jisas i tekem bred, i prea blong talem tangkyu long God from. Nao hem i brekem, i givim long ol man blong hem, i talem se, ‘Yufala i tekem, yufala i kakae’ (Mat. 26:26). ‘Hemia bodi blong mi, we bambae mi givim from yufala. Oltaem yufala i mas mekem samting ia blong tingbaot mi bakegen’ (Luk 22:19). Long semfala fasin, hem i tekem kap blong waen, we i miksim finis wetem wota, i talem tangkyu long God from, mo givim long ol man we oli stap raon long hem mo i talem: ‘Kap ia i saen blong niufala promes blong God, mo blad blong mi,’ ‘we bae i ron… from yufala.’ ‘Mekem samting ia blong tingbaot mi bakegen.’ …
“Stat long taem blong eksperiens ia antap long rum ia, long naet bifo taem blong Getsemane mo Golgota, ol pikinini blong promes oli stap anda long kavenan blong tingbaot sakrifaes blong Kraes, long wan fasin we hem i niu, i hae, mo i tabu.”1
Elda Jefri R. Holan blong Kworom blong Olgeta Twelef Aposol.
Yumi Stap Riniu Ol Kavenan blong Baptaes blong Yumi Tru long Sakramen
“Taem yumi baptaes, yumi tekem long yumi, tabu nem blong Jisas Kraes. Blong tekem nem blong Hem long yumi, hem i wan long ol spesel eksperiens long laef blong yumi. …
“Wan taem long wan wik, long sakramen miting, yumi promes blong tingbaot sakrifaes blong Sevya we i pemaot man taem yumi stap riniu kavenan blong yumi blong baptaes. Yumi promes blong mekem olsem Sevya i bin mekem—blong stap obei long Papa mo oltaem kipim ol komanmen blong Hem. Blesing we yumi kasem taem yumi obei, hem i blong gat Spirit blong Hem i stap wetem yumi oltaem.”2
Elda Robet D. Hels blong Kworom blong Olgeta Twelef Aposol.
“Mi bin stap wetem wan gel we i gat eit yia long taem blong baptaes blong hem. Long en blong dei ia, hem i talem wetem strong filing, ‘Mi bin baptaes blong ful dei tedei, mo mi no bin mekem wan sin nating!’ Be dei blong hem ia we i stret gud i no bin stap blong oltaem, mo mi sua se naoia hem i bin lanem, olsem yumi evriwan i stap lanem, se nomata yumi traem had, yumi no save ronwe long nogud taem, yumi no save ronwe long evri joes we i rong. …
“… Hem i no posibol blong mekem tru jenis yumiwan nomo. Paoa blong yumiwan mo gudfala tingting blong yumiwan, oli no inaf. Taem yumi mekem mistek o mekem wan nogud joes, yumi mas gat help blong Sevya blong yumi blong gobak long stret rod. Yumi tekem sakramen, wik afta wik, blong soem fet blong yumi long paoa blong Hem blong i jenisim yumi. Yumi talemaot ol sin blong yumi mo promes blong lego olgeta fogud.”3
Juli B. Bek, Rilif Sosaeti jeneral presiden.
© 2010 i kam long Intellectual Reserve, Inc. Oli holem evri raet. Oli pritim long YSA Oli letem long Inglis: 6/09. Oli letem translesen: 6/09. Translesen blong Visiting Teaching Message, June 2010. Bislama. 09366 852
Ol Help blong Visiting Tijing
Taem yu kam blong save wan sista mo famle blong hem, lukaotem ol wei we yu save helpem hem blong stap riniu ol kavenan blong hem tru long sakramen. Sapos hem i no kam long sakramen miting, yu save invaetem hem blong atendem o, givhan long hem blong i save mekem (transpot, help wetem ol pikinini, wan fren blong sidaon wetem hem, mo ol nara wei)?
Fasin blong Stap Rere Yuwan