Roronrikirake

Tera te Tikiraoi ae Koaua?

Beretitenti Monson e taekinna n te rongorongo aei, “N ara aonaaba, te aroaro n anua n tabetai e taraa ni karako kakawakina nakon te tamaroa ke te mwaaka ni kakukurei ke n anaa nanon te aomata.” Kairake n ataeinaine a na kona n teimatoa ni kaitara nakon katotongaia bwa antai ngaiia ao a na kona n riki bwa aekakira. Iangoi taian kantaninga aikai ibukin te tamaroa ae koaua mairoun Unimwaane Lynn G. Robbins n te Itingaun:

• Te kairake n ataeinaine ma moamoana ae e takiakia n reitaki ma te kukurei ao te tamaroa e kakiaa te tikiraoi mai inanona.

• Te moangare ae e tamaroa bon te tikiraoi ni koaua ngkai e kia n aanga aika a bwanin n aron teia. Te tikiraoi ni koaua e aki kona ni kabaarekaaki bwa bon ana bwai n tangira te Tamnei.

• Kunikai aika a riai bon te kanikina itinaniku ao e kainnanoaki ibukin te tikiraoi man te nano.

• Ngkana e bwara nanom ibukin taraakin teim, e na kona ni buoka noorakim rinanon mataia te koraki ake a tangiriko. Te tikiraoi ae e raba are e nooraki irouia aika a tangiraki e kona n riki bwa te tirotaam ibukin oin rikirakem.

• Te aekaki ni mwaane are e tangiria te aine ae tamaroa ni kan iein mangaia e na “aki taraa” n ai aron te aomata ngkana e taraa te aba (tara 1 Tamuera 16:7). E na bae ni katikaki nanona nakon te tikiraoi ni koaua are e kakiaa mai inanona ae e itiaki ao ae e kakukurei. Tii tebo naba ibukin kairake n ataeinaine ngkana e kakaea te kairake n ataeinimwaane ae tamaroa.

• Tamara are i Karawa e kantaningaia natina ni kabane bwa a na rinea te eeti, are bon tii te kawai nakon te kimwareirei ae akea tokina ao te tamaroa are n te nano.

• Ma ngkai iai te Uea, akea te kauaia. Ni kabane ti tebo te kakabwaia nakoia ni karekea Katotongan te Atua ae toka iaon moaia (tara Arama 5:19). Bon akea te tikiraoi ni koaua.

Ni warekan te rongorongo ae e bwanin, tara Lynn G. Robbins, “True Beauty,” New Era, Nobembwa. 2008, 30. Kairake n ataeinimwaane a kona ni kunea te reirei ae ti tebo n Errol S. Phippen, “Buntake aika Buretireti ke te Tiuaon ae Karineaki? E bon Nakoim,” Riaona, Okitobwa. 2009, 36.