Te Rongorongo n Reirei ni Kaakawari, Tuun 2010
Kaboouan te Berita rinanon te Toa
Reirei koroboki aika tabu ma taeka aikai ke, ngkana e tangiraki, te tua riki teuana ae na kakabwaiaia mwanemi ake kam kawariia. Anga am koaua iaon te reirei. Kaoia naake ko kawariia bwa a na tibwaua te bwai are a tia n namakinna ao n reireiaki.
Iesu Kristo e Katabua te Toa
“Ao E a na te berena Iesu, ao E tataro, ao E tabeutaia, ao E angania ana reirei, ao E kangai, Anaia kanna; ‘rabatau aei.’ (Mataio. 26:26). ‘Rabatau aei, ae I anga i bukimi: kam na karaoa aei ba kanuringau’ (Luke 22:19). Ao e ana te mwangko ao e tataro ni katituaraoi, ao E angania, ao E kangai, Te mwangko aei te berita nabangkai inanon raraau,’ ‘ae kawaawaaeaki … ba bwain kabwaraan bure.’ ‘Kam na karaoia bwa kanuringau.’ …
“Inanon te ru mai ieta e riki rinanon mwanangaia nako Ketetemane ao Korokota, natin te taeka n akoi a mena iaan te berita n kauringa ana anga karea Kristo n te kawai ae onoti ae boou, ae rietata ao ae rangin tabu.”1
Unimwaane Jeffrey R. Holland n te Kooram n Tengaun ma Uoman n Abotoro.
Ti Kabooua Ara Berita n te Bwabetito rinanon te Toa
“Ngkana ti rinanon te bwabetito, ti katokaa iaora aran Iesu Kristo ae e tabu. katokaakin Arana iaora bon teuana mai ibuakon te bwai are e a tia n riki ae e rangi ni kakawaki are tia tia ni karekea inanon maiura. …
“Ni katoa wiiki n te bootaki n toa ti berita bwa ti na kauringa te anga karea ni karaoan te mwakuri ni kamaiu are e karaoia te Tia Kamaiu ngkai ti kabooui ara berita n te bwabetitio. Ti berita bwa ti na karaoa are e a tia ni karaoia te Tia Kamaiu—n ongeaaba nakon te Tama ao ni kaawakin ana tua n taai nako. Te kakabwaia are ti karekea bwa boon mwiina e na memena Tamneina iroura n taai nako.”2
Unimwaane Robert D. Hales kaain te Kooram n te Tengaun ma Uoman.
“I mena irarikin te teinaine ae waniua ana ririki n te bong are e bwabetito iai. N tokin te bong anne e taetae ma onimakinana i bon irouna, ‘I a tia ni bwabetitoaki ibukin te bong ae bwanin, ao I aki kona ni manga karaoa te kairua!’ Ma ana bong are e kororaoi iai e aki teimaan, ao I kakoaua bwa e a reireiaki ma ngkai, n ai aron ae ti bane n reireiaki, are e kaangaanga ngkai, tiaki kona n taai nako n totokoi bwaai aika aki raoiroi, ni katoa rinerine aika a kaairua. …
“… E aki kona ni karaoaki raoi te bitaki i bon iroura. Oin ara konaa ao oin ara babaaire aika a raoiroi a bon aki tau. Ngkana ti karaoi kaairua ke e aki tau ara rinerine, ti na riai ni karekea ana ibuobuoki ara Tia Kamaiu ni manga oki nakon te kawai ae e eti. Ti butimwaea te toa te wiiki imwiin te wiiki ni kaota ara onimaki inanon Mwaakana bwa e na ibitiira. Ti kaoti ara bure ao ti berita bwa ti naaki manga karaoi.”3
Julie B. Beck, te Beretitenti ni Kabuta n Aia Bootaki Aine.
© 2010 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/09. Kariaiakaki rairana: 6/09. Rairan te Visiting Teaching Message, June 2010. Kiribati. 09366 859
Ibuobuoki Ibukin te Reirei ni Kakawari
Ngkana ko a moanna ni kinaa te aine ma ana utu; kakaai kawai ae ko kona ni buokia ni kabooua ana betita rinanon te toa. Ngkana e aki kaakaea te bootaki n toa; ko kona ni kaoa bwa e na kaea ke e karaoa te ibuobuoki ibukin karaoan baikai (bao ni mwamwananga, ibuobuoki ma ataei, te rao n tekateka irarikina, ao a mwaiti riki)?
Oin Am Katauraoi