Mwet Fuhsr

Meac Kahto Pwacye?

Prestuhn Monson el fahk ke pweng se inge, “Ke facl lasr uh, inkaiyen pacl uh luhmah nwacsnwacs uh oacna in srihk srihpac liki oaskuh kuh kahto.” Muhtwacn fuhsr uh kuh in tikuclkuclwack ke luhmahltahl lah suc eltahl uh ac meac eltahl kuh in oacna uh. Nuhnkuh mwe nuhnak inge ke kahto pwacye sel Elder Lynn G. Robbins ke Itngucul:

• Sie muhtwacn fuhsr suc luhmahl tolyuckyak ke kwewa na engan ac nwacsnwacs uh ahkkahlwemye ke inse kahto.

• Isracsr nwacsnwacs se arulacna kahto ke ac isracsrwelihk ke ohiyac na wo se. Kahto pwacye se inge tiac kuh in sruhlweyucklac kac tuhsruhk ma inge mwe sang se luhn Nguhn.

• Atac kuh luhmah ma fal uh pa sie mwe akucl luhkuh ac ma enwenweyuck nuh ke kahto loac uh.

• Fin kom fuhlweack ke atom kuh lomom, ac kahsruh in liye kom sifacna ke muhtuhn mwet suc luhngse kom an. Kahto ma okanyucklac ma liyeyuck sin mwet kom luhngse an kuh in mwe intei se in sifacna ahkwoyelah.

• Kain in mukul se ma muhtwacn nwacsnwacs se ke pahyuck se el oacyacpac “tiac liye” oacna mwet uh liye (liye 1 Samuel 16:7). El fah fwefwelac na ke kahto pwacye se el tohlwack ke inse nwacsnwacs ac engan se. Ma se pacna inge pwacye nuh sin sie muhtwacn fuhsr suc suk sie mukul fuhsr nwacsnwacs.

• Pahpah tuhmasr Inkuhsrao El finsrakkihn tuhlihk nuh kwewa Nahtuhl in sulaclah ma pwacye, suc pa inkacnek se fanna nuh ke engan ma pahtpaht ac kahto loac uh.

• Sin Leum, wacngihn lainyac. Mwet nuh kwewa oasr pacl wo fal la in eis Luhmahl in luhmah lah ngwetngwetwacltahl (liye Alma 5:19). Wacngihn kahto ma pwacye liki.

In riti pweng na fohn se inge, liye Lynn G. Robbins, “True Beauty,” New Era, Nohfuhmpuh 2008, 30. Mukul fuhsr an kuh in sokwack kahs in kahsruh ma oacna inge ke Errol S. Phippen, “Ugly Duckling or Majestic Swan? It’s Up to You,” Liahona, Ohktohpa 2009, 36.