Mwet Fuhsr
Sie Ngwetngwet ke Acn Fuhlwactwack
Ke nga fuhsr uh oasr pacl wowo pucspucs suc nga kuh in oruh pacptaislac ke mwet misac ke San Diego California Temple. Nwe Nga kwac puhlakihn wo, tuh sie fahsr nga som kac inge tuh oan na sihk ke nuhnak luhk.
Nga yac 16, ac tuhlihk muhtwacn srihsrihk se wiyuck tuhfahna sun yac 12 ac el som in oruh pacptaislac ke mwet misac ke pacl se met lal. Ke srihpen pacl se emet lal, kuht sulwaclah in tifoki ac fahsr raun tempuhl tukun kuht tari ac.
Acn in fahsr ke tempuhl ah oasr acn in tu inte luo ke sie siskac ah, oruh kuht fahlac nuh we. Ke srihpen San Diego Tempuhl oasr siskacn inkacnek kahfofo soko, ke kom tu ke acn in tu inte inge, kom kuh na in ngweti nuh ten nuh ke inkacnek an.
Tutu fin acn fuhlwact ke tempuhl ke lwen sac ah use ngwetngwet sasuc se nuh sihk ke ohiyac sasuc ke moul uh. Nga ngweti nuh ten liye facluh ke stosah kahsruhsr pihngihngihng inge, yen in moul wacrongrong, ac sroal-suc afuhnlah sain ke inkacnek inge.
In pacl sac pa nuhnak se tume nuh sihk: “Kom ac tiac ke in wi ma ingacn; tiac pa srihpen moul uh.” Pacl nuh kwewa nga lutiyuck kac lah srihpen moul uh pa in fohlohk in moul yurin Pahpah Lucng ac oruh in eklac oacna El. Nga etuh lah nga tiac enenuh ma luhn facluh in orwaclah srihpac sacn.
Nga forlah ac ngwet nuh ke tempuhl na kahto se, ac nga sruikihn etwacack ke wosasuc ac ma nuh kwewa ma utuckuh nuh sik uh. Nga etuh lah inmahsrlon ma okahrkahr ac sensen luhn facluh inge, nga konwacack acn fuhlwact in tu kac.
Ke lwen sac ke tempuhl ah nga olwelah nuh sin Pahpah tuhmuhk Inkuhsrao lah nga ac tu siskacl pacl nuh kwewa ac tiac ke acn luhn facluh. Ma nuh kwewa ma facluh oruh nuh sesr, kuht kuh in kuhtanglah ma inge ke kuht karihngihn wuhlweacng lasr kuht orwaclah ac tu ke acn muhtahl uh (liye D&C 87:8).