Ngeasek
Osenged el Ngara Kedidai el Chutem
Sera kngeasek el mle betok a techellek el meruul a techolb e chelid el kirir a re mla mad er a chelsel a Templo er a San Diego California. Meng mle blechoel ungil teletael, eng di a tang er ngii a kmal di ngara uldesuek.
Ng mle teruich me a elolem a rekik, ea merrengek a kmal dirk mlo teruich me a erung a rekil e mle ketengel mo meruul a techolb e chelid el kirir a re mla mad. Me tiang a mle ketengel, me a ki ulemdasou a mereroael er a maori er a templo sel ki bo merek.
Tial maori er a templo a mlar ngii a kora ungil basio el de bor ngii e omeseues, me a ki milrael el mor ngii. Tial Templo er a San Diego a dechor er a kmal kora kosekodel el rael, me sel mdechor e momes e komes er a rael e riou.
Tia er a kdechor er a chetemel a templo er tiaikid el sils eak mlo omelchesiu er a beches el uldasou el kirel a klengar. A kulemes aikal mlai el kmal bekerurt el remurt e riou, me a sekedel a stouang, me a betok el llechukl el ngara ikal olangch er a rael.
Tiaikid ea uldsou a mle soiseb er a uldesuek: “Kau a diak el soam el mo teloi er a ikang; tiang a diak el moktek er a klengar.” Ngak a mla mosisechakl el kmo a moktek er a klengar a lmuut el mo kiei lobengkel a Demad er a Babeluades e mo uaia Ngii. Ak mle medengei el kmo ng diak kuusbech a klalou er tial beluulechad el mo mengedmokl er tial moktek.
A kulebult el omes er tial klebokel el templo, e kmla mlo dmeu a renguk el kirel a klemedengei er ngak er a ebangkelio me a ikel bla lebeskak. Ak mlo medengei el kmo chelsel tial cheliseksikd e mekngit el beluulechad, eng di ngak a mla metik er a ngarbab el chutem el bok dechor ngii.
Tiaikid el sils er a kngara templo eak tilbir el mora Demak er a Babeluades el km ak mo blechoel dechor bitar Ngii e diak dechor bitar er a beluulechad. Meng diak el iior er a ikel lomeskid a beluulechad, ele kid a sebeched el mo mesisiich lokiu sel doltirakl a telbiil el bla deruul ele kid el dechor er a chedaol basio (mesang a D&C 87:8).