Klumech er a Oldingel e Olisechakl, Ongeai el buil 2010
Smisichii a Klaumerang me a Melemalt el Klechad
Msuebii tial klumech, ea dil ungil e mosaod er ngii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau.
Klaumerang • Telungalk • Omesiou
Ngara Chedaol llechul
Ngercheled el Mo Klikiid el Mo Ngara Omengull er a Chelsel a Templo
”A telbill el doruul lobengkel aikel chedaol ruoll el dengai er a templo a mo teng er kid el mo soiseb er a rengedel a Dios. Aikel telbiil a meskid a lmuut el mesisiich el klisiich el diak el sebeched el mtebengar. Kede meruul a telbiil el olchotel a blak el reng er kid el mo omekedechor er a rengedel a Dios. Kede mo chad el ngara chelsel a telbiil sel desiseb er a telbiil lobengkel a Dios. Aikel rokui el mla metib el klengeltengat a bo dengai lokiu a blak el reng er kid er a ikal telbiil. …
“Me te mekerang a redil er a Ikelesia e mo ngmai aikal klengeltengat er a templo?
“Ngokiu a reprofet er Ngii, ea Rubak a siotai er tirkel rokui el dirkak el ngai a klengeltengat er a templo el mo meruul aikel rokui el sebecherir remuul el mo ngmai aikal klengeltengat. Ngii a dirrek el siotai er tirkel tir a mla ngmai aikal klengletengat me bol blechoel mong sel lesebecherir el muut el mo medengelii sel deurreng, el mo oisisii a osengir me a klemedengei er tir el kirel a diak a ulebengelel moktek er Ngii.
“Bo de klikiid el obang a beches el babier er a mo soiseb er a templo. Mei e debora templo el mo moak el telungalk el mora diak a ulebengelel. Mei e de blechoel mora templo alsekum eng sebeched. Mei e debesterir a techellir a re mla mad el chedad a techall el mo ngmai chedaol ruoll el kirel a diak a ulebengelel klengar. Mei e bo lungil a rengud er a klisichel a reng me a ocholt el dengai sel di de blechoel mora templo. Mei e bol blak a rengud el oltirakl a telbiil el deruul er a chelsel a templo me bol sebeched el ngmai a mui el klengeltengat er a Tngakireng.”1
A Silvia H. Allred, kot el counselor er a cherrengelel omerreder er a Relief Society.
Ngara Reksi er Kid
A President Gordon B. Hinckley (1910–2008) a ulisechakl el kmo a Relief Society a ulemuchel el ultuil er sel klemeriar reng er a rodos el mo ngara omengull er a chelsel a templo:
“Sera taem el omekedechor er a Templo er a Kirkland e tirkel redil a mlo kedong el mo omached aikel obebeu el mengeldoech el blatingir el bo lousbech el blaster er a kbekbel a templo, el ngii a uaia bol diich er a dichel a sils me a buil el mo menglebokel er tial templo.
“Chelsel tiaikid el taem, el kosekodel a udoud eng di ng klou a klaumerang, ea rechad el ulureor a chiloit a klisichir me a ikel ngarngii er tir el kirel okedecherul a blil a Rubak. Tirkel redil a mirruul a kelir, el ikel mle kot el ungil kall el sebecherir el remuul. A Edward W. Tullidge a melekoi el kmo tirkal redil er a lorasm a kateng er a templo, ea Joseph Smith, a ulemes er tir, e dilul kmo, ‘Kemiu, e rodos, a kmal di usbechall. A rodos a blechoel kot el ngaruchei er a rokui el ungil ureor. A Maria a mle kot el mesang okiis er a kodall; e chelechang ea rodos a kot el chad el oureor er a chelsel a templo.’ …
“Me ngelmuut el ngara Nauvoo, el templo a dirk lulmekedechor ngii, ea rtelal redil a mlo dmak e meruul a chelchedal a bilir tirkal sechal el ureor. Meng chelsel tiaikid el teletael ea relluich er tir a mlo dmak er a sera Ongeuang el ureor, el teruich me a euid el kebesengil Ongeim el buil er a 1842, er bab el delmerab er a stouang er a Profet.”2 Tiaikid a mle uchelel a Relief Society.
Ngera Sebeched el Meruul?
-
Ngera el ngesou a sebechek el mesterir a rodos er ngak me te mo kldmokl el mora templo?
-
Ak mekerang e ochotii sel okesiu er a rodos er a uchelel el tir a mlo chuarm el kirel a ngeiul a klengeltengat er a templo?
-
Ak mekerang e ngmai a klengeltengat er a templo?
© 2010 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/09. Kengei er a oidel: 6/09. Oidel a Visiting Teaching Message, August 2010. Palauan. 09368 881