Te Rongorongo ibukin te Reirei ni Kaakawari, Tebetembwa 2010
Katabeara n Nabea te Roro ae Rikirake
Kamatebwaia te karaki aio ao, n ae e angaraoi, maroroakinna ma taian tiitita ake ko kawariia. Kabonganai titiraki ni buokiko ni kakorakoraia am tiitita ao ni karaoa te Bootaki n Aine bwa iteran maium ae kakammwakuri.
Onimaki • Utu • Buokaki
Man Koroboki aika Tabu
Taekan Rabakau 22:6; Iebeto 6:4; Enoti 1:1; Aramwa 53:20–21; 56:47; 57:27
N akean nabeakinaia, ara roro n rikirake e kona ni karika te kabuanibwai n riki n ai aron are e kabwarabwaraaki inanon Motiaea 26. Angin mwaitiia te roronrikirake aki kakoauai aia katei aia karo ao a riki bwa aomata aika kaokoro n aron aia onimaki, ao a teimatoa n aroia anne n aki toki. Ara roro n rikirake a kona naba ni kairaki nako ngkana aki oota n tabeia n ana babaaire Tamara are i Karawa.
Ngaia are terana te bwai ae e na kaawakina te roro ae rikirake ni kamanoa? N te Ekaretia, ti reiakin reirei ibukin kamaiuara, ao reirei akanne bon reirei ibukin te utu, taian reirei aike a na kona ni buokiia te roro ae rikirake ni katea aia utu, n reireia te utu anne, ao ni katauraoa te utu anne ibukin taian otenanti ao berita—ao ngkanne te roro are imwiina e na reireina are imwiina ao are imwiina.
Ngkai ngaira kaaro, taan kairiri, ao kaain te Ekaretia, ti katauraoa te roro aei ibukin ana kakabwaia Aberaam,ibukin te tembora. Iai katabeakira ni kaotaira raoi iaon botoniango n taian reirei aika a kuneaki inanon te Katanoata iaon te utu. Te nakoantina ao te nakoanikaro bon mwakuri ao katabeaki aika akea tokiia. Ngaira n tatabemaniira nako ti uota te katabeaki ibukin te mwaane ke te aine iteran te babaaire.
Ti kona n reiakina te tua aei n taabo nako. Ti na riai n taekina te karinerine ibukin te mare ao te utu. Ao man ara banna ni katotoo, te roro ae rikirake e kona ni karekea te kaantaninga ae korakora ao te atatai—tiaki tii man taeka are ti taekinii ma man te kawai are ti namakinna ao are e a roko mai iai tamnein te utu.
Julie B. Beck, te Beretitenti ni Kabuta n Aia Bootaki Aine
Man Ara Rongorongo ni Kawai
N te maroro ma tiitita n te Bootaki n Aine ni kabuta n Tebetembwa 23, 1995, e taku Beretitenti Gordon B. Hinckley: “Te aonaaba ae ti mena ngkai iai bon te aonaaba ae mangaongao, n ibibitakin taian reirei. Bwanaa aika beroro aika a teimatoa kateakiia ni kairira bwa ti na karaoi bwaai aika a mwaiti aike a kamwaneira ni kataakin katei aika raoiroi.”1 Beretitenti Hinckley e a moana ngkanne ni kabwarabwara nakoia tiitita, te Ekaretia, ao aomata aika a kakaawaki n taabo nako “Te Utu: Te Katanoata nakon te Aonaaba.”
N ririki ake imwiina te taetae ni burabeti iaon te taokumente aei e a tia n rairaki nakon taian taetae aika a mwaiti ao n tibwatibwaaki nakoia taan kairiri n te aonaaba. E titirakinia aomata ao taan kairiri n te tautaeka “bwa a na karikirakei itera aikai ake a karaoaki bwa a na kateimatoai ao ni kakorakora te utu bwa ngaia aan te botanaomata.”2
Te katanoata e a tia n riki bwa aan taian koaua ni boong aika kaitira ibukin te utu, te reirei are ti kona n taua ni kamatoa ao ataakin anne man maiuakinan taian reirei, ti kakorakoraa ara utu ao mweengara.
© 2010 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki n te Kiribati. Kariaiakaki n te Ingiriti: 6/09. Kariaiakaki rairana: 6/09. Rairakin te Visiting Teaching Message, Tebetembwa 2010. Kiribati. 09369 859
Tera ae I Kona ni Karaoia?
-
N na kanga ni buokiia taariu ni kaboongana “Te Utu: Te Katanoata nakon te Aonaaba” n nabea te roro ae rikirake? Ko kona ni iangoa tibwauan katooton te katanoata ao ni buokiia tarim ni kinaa ao ni mwaakeni taian karaki ake a na reiakin ma te kabanea n tamaroa ni kingin taian tua.
-
N Na Kanga N Nabea Te Roro Ae Rikirake? Ko kona n iangoa rokom irouia kaain am uoote, mwaanga, utu, ke te kaawa are e kona n reke kabwaiana man am anganano ao am tangira.