Kuo Fakapapauʻi e Ako Fakatakimuʻa Fakaemāmani Lahí

ʻE fakahoko ha fakamafola ako fakatakimuʻa fakaemāmani lahi ʻi he ʻaho 13 ʻo Nōvema 2010. ʻE ʻoatu e fakamafolá ni ha fakahinohino fekauʻaki mo e ongo tohi tuʻutuʻuni foʻou ko ia ʻa e Siasí (Tohi Tuʻutuʻuni Fika1: Kau Palesiteni Fakasiteikí mo e Kau Pīsopé pea mo e Tohi Tuʻutuʻuni Fika 2: Ko Hono Puleʻi ʻo e Siasí).

ʻOku fakaafeʻi atu e kāingalotu ko ʻení ke kau atu ki he fakamafolá: Kau Taki Māʻolungá; Fitungofulu Fakaēliá; kau palesitenisī fakasiteiki, fakamisiona, fakatemipale, mo e fakavahefonuá; kau kalake fakasiteiki mo fakavahefonuá; kau sekelitali pule fakasiteiki mo fakavahefonua; kau alēleaʻanga māʻolunga; kau palesitenisī fakasiteiki mo e fakavahefonua ʻo e Fineʻofá, Kau Talavoú, Kau Finemuí, Palaimelí, mo e Lautohi Faka-Sāpaté; kau pīsopeliki; palesitenisī fakakoló; kau kalake fakauooti mo fakakoló; kau sekelitali pule fakauooti mo fakakoló; kulupulita ʻa e kau taulaʻeiki lahí pea mo e kau ʻasisitení; kau palesitenisī ʻo e kōlomu ʻo e kaumātuʻá; kau palestenisī fakauooti mo fakakolo ʻo e Fineʻofá, Kau Talavoú, Kau Finemuí, Palaimelí mo e Lautohi Faka-Sāpaté: kau taki faifekau fakauōtí.

ʻE fakamafola atu ʻa e akó ʻi ha ngaahi lea fakafonua ‘e tolungofulu tupu. Vakai ki he kau taki lakanga fakataulaʻeiki fakalotofonuá ki ha fakamatala lahi ange fekauʻaki mo e taimi fakamafolá.