Ngeasek
Kurismas ra Misionari
Ongerung el temel a Kurismas ra dirk cherrungel el misionari, e ngak ma kldemek a uleldingel ra dirk miltecholb el chad ma telungalk er ngii. Uriur ra belsoil er tial Kurismas, ea ki uluchais ra klumech ra Kurismas el mor tir.
Aki ulengit er tial telungalk me lousunga a tekoi el mekelterir er tial taem, el uaia ptuch, beresent, siukang, ma kerkerul a Kurismas. Ea ki mocha menguiu a bades, luldimukl er ngii a 2 Nephi 19:6. Aki milngitakl ra “Once in Royal David’s City” (Chelitakl, nambang. 205), ulemes ra katsudo el kirel a Teletael ra Beluu, e uluchais a klaumerang er kemam ra Jesus Kristo.
Ng mle beot a teletelel Kurismas, el cheroid ra telungalk er kemam ma meklou el ungil klebesei ra Kurismas, eng di tia ra kim kauchais a klaumerang er kemam ra Osobel, eak mlo melchesuar a dmolech el beltik el reng ma omereng el saul er Ngii ma Cherellel el ngii a dimlak kudengelii ra ngara mong. Ak mlo medengei el kmo ngulebongel el Kurismas er ngak el cherrungel el misionari el mesiou ra Demak ra Babeluades eng di ak mlo medengei el kmo a Reng er Ngii a sebechel ouchais er ngak el kirel a Ngelekel Sechal ra ngii dil ker el kngar ngii.