Klumech er a Oldingel e Olisechakl, Ongeteruich ma ongerung el buil 2010
Ngercheled el mo Teloi ra Ureor ra Templo ma Reksi ra Telungalk
Mosuub er tial klumech, ea di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau.
Klaumerang • Telungalk • Ngesou
Chelsel a betok el rak ete betok el chad a mla mad el dimlak lodengelii ebangkelio. A bebil tir a kmal kmeed malechub ete cheroid el chedam. Te mengiil er kau el mo osiik el mo omechebech ra telungalk er kau e mo kudmokl a chedaol ruoll el kirir.
Oumesingd el templo ra beluulechad a diak el sal mechesang a chelsel. A Rubak a mla tibir el kmo a rengmiu a mo obult el kirir a redemmiu me luchul ea beluulechad lak bol metemall el rokir sel Lemei (mesa D&C 2:2–3).
Ngarngii a klengeltengat el bom ngai sel moruul a ureor ra templo ma reksi ra telungalk. A tara ikang a sel deoureng el kau a mo melchesuar sel mosiou ra rebeldekem. A tang a mo sebechem el nguu a babier kau el mo soiseb ra templo, el ngii olchotel a kmo ke klikiid er medal a Rubak. Tirkel tir a diak el klikiid er chelechal sils el kirel a babier el mo soiseb ra templo a kirir el oureor lobengterir a rebisop ma remerreder ra branch meng mo sebecherir el mereched el nguu. A kulengit me lak mocheueklii tial klou a belkul el ngerachel. A kuuchais el kmo a Tngakireng a kmal klemerang e klengit a sebechel mo mousubes lokiu a bleketakl el teletael ra ouchel reng.
Me sel doruul a ureor ra templo ma reksi ra telungalk, eng mo kellechakl a rengud el kmo a Chedaol Reng a mo mengelaod er kid ra ongarm e omekrael er kid el mo melilt a meklou a belkul tekoi. A ureor ra templo ma reksi ra telungalk a telengtengil a urered el mo mesebechakl, mesiou, ra rebeldeked.Julie B. Beck, Merreder er a cherrengelel omerreder er a Relief Society.Ngara chedaol llechuklMalachi 4:5–6; 1 Korinth 15:29; 1 Petrus 3:18–19; D&C 110:13–16; 128:24
Ngara Reksi er Kid
“A Profet Joseph Smith a dilul kmo, ‘A kot el klou el ngerachel er tial beluulechad el blal beskid a Dios a mo osiik ra rebeldeked’ (History of the Church, 6:313). Sera uchelel, ea rodos ra Relief Society a ulengeseu er tial ureor. Ngara Nauvoo er sera 1842, e sel klemeriar reng ra Sarah M. Kimball el mo olngeseu ra okedecherul a templo eng millekoi ra rebebil ra rodos el mo kudmkelii a chelechad er tir me luchul e bo lungil mesiou. Sera lomuchel el kebetech, ea Profet … a kildmeklii a kot el chelechad ra Relief Society el oltirakl ra priesthood. Me ngulemuchel er tiaikid el taem, ea rodos ra Relief Society a ulengeseu ra ureor ra okedecherul a Templo ra Nauvoo. …
“Sera 1855, eai el rak ruriul ra re Santo a lekerd ra beluu ra Utah, ea Endowment House a milkedmokl. A Eliza R. Snow, el ngii a tara uodel el uchelel a kot el chelechad ra Relief Society e olab a kldmokl el rekord er tial chelchad, a mlokedong ra President Brigham Young ra 1866 el mo merreder ra cherrengelel a Relief Society. Ngii ma rebebil ra rodos a mle blak a rengrir el oureor ra chelsel a Endowment House. E sera, bol merek a Templo ra St. George, Logan, ma Manti, e tirkal odos a ulemais el mora ikal templo el meruul a ureor el kirir a re mla mad.1
© 2010 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/09. Kengei er a oidel: 6/09. Oidel a Visiting Teaching Message, December 2010. Palauan. 09372 881
Ngera Sebechek el Rullii?
-
Ak mekerang e ngosuterir a rodos el mo osiik el kirir a rebeldekir e remuul a chedaol ruoll ra templo el kirir? Momdasou ra teletael ra klengar el derstang el odos a ngara chelsel sel molatk a olngeseu er tir. Ng sebechem lomdasou el kmo a ureor ra reksi ra telungalk a sebechel smisicheterir a rebeches, luuetang, ma re diak el sal mesisich el chad ra ikelesia.
-
Ng oingerang ea ureor ra templo ma reksi ra telungalk a milngelaod er ngak ra ongarm e ulemekrael er ngak ra meklou a belkul uldasou?
A lmuut el bebil er a omesodel, e bora www.reliefsociety.lds.org.