Intsha
Ukhisimuzi wabafundisi beNkolo
Ngenkathi ngigubha uKhisimuzi wami wesibili njengomfundisi wenkolo ophelele, umsizi wami kanye nami savakashela maduzane nje ilungu ebeliqeda kubhabhadiswa kanye nomndeni walo. Emva kwesidlo santambama ngoKhisimuzi, sabelana nabo ngomlayezo kaKhisimuzi.
Sacela umndeni ukuba udwebe izithombe ezibakhumbuza ngezinto zalesikhathi, njengezinkanyezi, izipho, imidlalo yokuzalwa kweNkosi, kanye nezihlahla zikaKhisimuzi. Sabesesifunda izifundo ezingcwele, kanye 2 Nifayi 19:6: “Ngokuba kuzalwe umtwana, kithina indodana izelwe; futhi uhulumeni uzakuba semahlombe akhe; futhi igama lakhe liyakubizwa ngokuthi, Isimangaliso, Umeluleki, Unkulunkulu Ophakemeyo, Ubaba Waphakade, iNkosana yokuThula.” Sacula “Once in Royal David’s City” (Amaculo, no. 205), sabukela isithombe sebhayisikobhu mayelana Nokuzalwa, futhi sabeka ubufakazi ngoJesu Krestu.
BekunguKhisimuzi esimeni esidelelekile, kude nemindeni yethu futhi noKhisimuzi ogujwa ngokujwayelekile, kepha njengoba sibeka ubufakazi ngomsindisi, ngezwa ngiba nothando olujulile nokuncoma Yena kanye nokuzalwa Kwakhe njengokwazi kwami ngaphambili. Ngibonile ukuthi kuzokuba nguKhisimuzi wami wokugcina ekusebenzeni njengomfundisi wezenkolo ophelele kuBaba wami waseZulwini, kepha ngiyengaqonda ukuthi uMoya Wakhe ungafakaza kimi ngeNdodana Yakhe nanoma bengikuphi.