Molaetsa wa Thuto ya Ketelo, Sedimonthole 2010

Maikarabelo a Rona go Tsaya karolo mo Tirong ya Tempele le Lelwapa

Julie B. Beck, Mopresidente wa Kakaretso wa Mokgatlho wa Thuso.

Ithute tiriso e, ka fa go tlhokegang, buisanya le bakaulengwe bao o ba etelang. Dirisa dipotso go go thusa go thatafatsa bakaulengwe ba gago le go dira Mokgatlho wa Thuso gore e nne wa bontlha bongwe jwa tiragalo ya botshelo jwa gago.

Tumelo • Lelwapa • Thuso

Gofeta dingwaga tse di makgolo batho ba le bantsi ba sule ba sena kitso ya efangele Bangwe ba batho bao ke ba losika lwa gago lele gaufi kana le le kgakala. Ba go emetse gore o diragatse tshekatsheko eo e tlhokafalang gore o ba golaganye mmogo mme o diragatse ditlhomo tseo di bolokang mo boemong jwa bone.

Ditempele tsa lefatshe ka bontsi ga di bereke thata. Morena o solofeditse gore dipelo tsa lona ditlaa fetolelwa go bontate gore lefatshe le seka lwa senngwa thata fa A goroga (bona D&C 2:2–3).

Go na le masego ka bojosi ao a amogelang ka lebaka la go tsaya karolo mo tirong ya tempele le ya ditso tsa lelwapa. Nngwe ya ao ke boipelo jo o boikutlwang jaaka o direla badimo ba gago. A mangwe ke a gore o kgona go nna le teseletso ya tempele, yeo e supang boitekanelo (semoweng) fa pele ga Morena. Bao ba ba sa itekanelang (semoweng) gompieno mo ditshonong tsa go nna le teseletso ba tshwanetse ba bereka le bishopo kgotsa mopresidente wa lekalana go kgona ka bonako jo bo kgonagalang. Ka tswee tswee o seka wa nna o sena setlankana se se se botlhokwa. Ke fa bosupi gore Tefo ke nnete le gore sebe se ka itshwarelwa ka boikwatlhao jo bo siameng.

Jaaka fa re tsaya karolo mo tirong ya tempele le ya lelwapa, re netefatsa go nna le Moya gore gomotsa mo dikgwetlhong tsa rona le go re kaela mo ditshwetsong tsa botlhokwa. Tiro ya tempele le ya lelwapa ke karolo nngwe ya tiro ya rona ya go tlisa thuso, kgotsa ditirelo, go badimo ba rona.

Gotsweng mo Ditsong tsa Rona

“Moporofite Joseph Smith o ne are, ‘Maikarabelo a magolo mo lefatsheng lea Modimo a re a fileng ke go batlisisa ka ga bao batlhokafetseng ba rona’ (History of the Church, 6:313). Go tsweng ko tshimologong, Mokgatlho wa Thuso wa bakaulengwe o ne wa rotloetsa tiro e e kgolo. Ko Nauvoo ka 1842, dikeletso tsa ga Sarah M. Kimball tsa go thusa ba bereki mo go ageng tempele go ne ga gwetlha setlhopha sa bakaulengwe go ipopa gore ba kgone go direla sentle. E rile ba simolola go kopana, Moporofeti … o ne a phutha Mokgatlho wa Thuso ka fa morago ga tsamaiso ya boperesiti. Gotsweng nakong eo, bakaulengwe ba Mokgatlho wa Thuso bane ba thusa go tsamaisa tiro ko Tempeleng ya Nauvoo. …

“Ka 1855, dingwaga tse boroba bobedi morago ga Baitshepi ba goroga lwantlha mo Utah, Ntlo ya Thatafatso e ne ya bewa. Eliza R. Snow, yo a nnileng mongwe wa bao ba maloko a ntlha a Mokgatlho wa Thuso gape a beile makwalo a mokgatlho oo, o ne a bitswa ke Mopresidente Brigham Young ka 1866 go nna mopresidente wa Mokgatlho wa Thuso. E ne le bakaulengwe ba bangwe bane ba tshepegile ele babereki mo Ntlung e e Thatafaditsweng. Jalo, jaaka Ditempele tsa St. George, Logan, le Manti di feditswe, bakaulengwe bao bane ba sepelela go nngwe le nngwe ya tsone gore batle ba dire tiro ya bao ba tlhokafetseng koo.”¹

© 2010 ka Intellectual Reserve, Inc. Tetla tsotlhe di beilwe. E gatisitswe mo USA. Tetla ya Sekgoa: 6/09. Tetla ya Thanolo: 6/09. Thanolo ya Visiting Teaching Message, December 2010. Tswana. 09372 763

Ke ka dirang?

Ke ka thusa jang bakaulengwe gore ba senke badimo ba bone mme ba diragatse ditlhomo tsa tempele go bone? Sekaseka diemo tsa mokaulengwe mongwe le mongwe jaaka fa o akanyetsa gore o ka itepatepanya jang le matlhoko a bone. O kanna wa sekaseka gore ditso tsa lelwapa di kanna gantsi tsa thatafatsa maloko ao a masha, a a bowang, kana a a sa direng thata.
Ke leng tiro ya tempele le ditso tsa lelwapa di nkgomotsa mo kgwetlhong tsame kgotsa di nkaela mo ditshwetsong tsame tse di botlhokwa?

Fa o batla kitso e e tseneletseng, ya ko www.reliefsociety.lds.org.