Mwet Fuhsr
Ikus nuh ke Pacl Tok
Puhs mwet fuhsr ahkolah ke ip luhn mani in kuhlwacnsap ke sie misin. Fin acn Africa ip ke ahkolah sacn pa in ekahsack fal mani nuh ke passport se. Sedrick Tshiambine el ekahsack ma el enenuh ke inkacnek in kuhka sasuc se: ke kuhka usr tukun pwacskuhl soko.
Sedrick el muhta Luputa, Democratic Republic of Congo. El sie sin mwet fuhsr 45 ke tisrik luhn acn Luputa suc orekma in sefiac mani in passport in som nuh ke sie misin. Fin acn DR Congo molin passport se pa $250, suc ma apkuhran in luo tahfuh-tolu ke molin muhsahi sie lohm.
Tuhsruhk Sedrick el tiac fuhlweack. El ekahsack mani in misin lal ke el pwacskuhl ke kilometer 15–30 (mael 9–19) fin acn Luputa som ke mura srihsrihk, suc el moli usr, na pwacskuhli fohlohk we kosraclah acn tuhpahsrpasr fol Africa, pwacskuhl soko okacl ah moti ke fukunsahk in kuhka nuh in siti uh. Kais sie wik el fuhfahsryucsr apkuhran in kilometer 180 kuh (mael 112) ke innek puhkpuhk, ac pacl sefanna el ikori ke ap lal ah tiac akwucki wo.
Nuh ke kwemkahtuh lal Sedrick el ekahsack apkuhran in $1.25 ke wik se, kuh $65.00 ke yac se. Yac ahkosr el sefiac suhnuhn moliyacn passport se lal, na inge el etuh lah pacl fahfahsruh lal uh ac weacng kuhlwacnsap ke misin ke srihpen el ahkolah ke ip luhn mani in oruh pahng in kuhlwacnsap uh.