2011
Sramsram Mahtuh ac Ohiyac luhn Un Muhtwacn in Kahsruh
January 2011

Pweng ke Forfor Luti, Jacnweri 2011

Sramsram Mahtuh ac Ohiyac luhn Un Muhtwacn in Kahsruh

Lutlutkihn kuhfa inge ac, fin fal, sramsramkihn nuh sin tahmtahel kom muhtwacta yohroh an. Orekmakihn kihsen siyuck an in kahsrwe kom ahkkweye tahmtahel wiyom an ac in oruh U luhn Muhtwacn in Kahsruh an in ip utuftuf se ke moul lom sifacna an.

Petsac
Relief Society seal

Luhlahlfongi • Sucu • Kahsruh

Eliza R. Snow el esam ke luti lal Mwet Pahluh Joseph Smith lah “finne ine se [U luhn Muhtwacn in Kahsruh] kuh in oruh ma in pacl inge, akwuck se ma mahtuh.”1

Pahpah Inkuhsrao ac Wen Nahtuhl, Jisus Kraist, muhtwacta yohrohl Joseph Smith ac, kacl, fohlohkihnyuckyak fohnlah luhn wosasuc nuh facluh. U luhn Muhtwacn in Kahsruh pa sie ip ke fohlohkyak sac. Akwuck luhn Alu uh tiacna sahflah nwe ke na tahmtahel uh akwucki.2

Ke mahlwem ekahsr fahsruhuh, kais sie Pweng ke Forfor Luti uh tuhfah use pacl wo lasr in etwaclah yohk ke sramsram mahtuh ke U luhn Muhtwacn in Kahsruh ac ip lalos ke fohlohkyak luhn wosasuc. Ke srihpac pucspucs, etweyacn sramsram mahtuh lasr uh tiac yohk srihpac muhkwena tuhsruhk tuh enenweyuck.

Ma se met, etweyacn sramsram mahtuh lasr uh pihrihk kuht in oruh muhtwacn luhn God suc kuht enenuh in oruh oacyac. Ke srihkasrak luhn muhtwacn Luhlahlfongi in Lwen-sahflah, kuht kuh in etwaclah ke pacl somlah ah ohiyacn oruh ke pacl tok uh.3

Ahkluo, sramsram mahtuh lasr uh luti lah ip yohk se pacna ma oasr ke Alu uh met ah pa pacna ip yohk akwucki lasr mihsenge uh. Etwacack se inge ac srihpac lasr uh pa—in ahkyohkye luhlahlfongi ac suwohswohs luhn kais sie, ahkkweye sucu ac lohm uh, ac kahsrelos suc enenuh—orwaclah sie kuhpahsr inmahsrlon pacl somlah ah ac pacl inge uh.

Ahktolu, ke kuht seko ma mahtuh lasr uh, kuht kuh in akacsruhi wo ke usru ke ip luhn nguhn lasr uh. Prestuhn Henry B. Eyring, Mwet in kahsruh se Met ke Prestuhnsi se Met, el fahk: “Kowos tahfwelah usru se ke kowos kahsruh mwet sahyac in eis mwe sang luhn luhngse pwacye. … Sramsram mahtuh ke U luhn Muhtwacn in Kahsruh pa sihmlac ke kahs ac nacmpuh, tuhsruhk tuh usru se pahsiyuck ke insiyac nuh ke insiyac.”4

Sahflahiyac ah, etwacack luhn ma mahtuh lasr uh kahsrwekuht oruh ip wo se ke pacl tok luhn U luhn Muhtwacn in Kahsruh. Prestuhn Spencer W. Kimball (1895–1985) el ahkuhtweyac, “Kuht etuh lah muhtwacn ma oasr yohk srui la ke pacl somlah ah tuhfah elyah kac in orwaclah sie pacl suwohswohs tok.”5

Julie B. Beck, prestuhn luhlahp ke U luhn Muhtwacn in Kahsruh.

Ke Ma Suhmuhslah

Esther 9:28–29; Mwet Rome 16:1–2; Alma 37:8; Moroni 7:45–47

Ke Ma Mahtuh Lasr

“U luhn Muhtwacn in Kahsruh pa akwuck se luhn Leum nuh sin muhtwacn uh.”6 Ke kuh lal in ekihn sie mwet pahluh, Joseph Smith el akiyac U luhn Muhtwacn in Kahsruh ke Mahs 17, 1842. U srihsrihk, ke kain in mwet ke miting se emet ah pa muhtwacn na moniyuck, oacna U luhn Muhtwacn in Kahsruh luhn tahmtahel mihsenge uh. “Tuhlihk muhtwacn tolu pa fuhsr inmahsrlohlos, ac muhtwacn matwac yac lamngaul kuhtuh pa mahtuh emet ah, Singucul sie selos pahyuck, luo katinmas, ohnkohsr tiac pahyuck, ac sie selos tiac kahlwem lah lolacp kuh pahyuck. Ohiyen lutlut ac tohflah lalos tiac oacna sie, oacna kahlwem ke inkacnek in mani lalos uh. Kain in mwet lalos uh ahkmuhtahlyeyuck pacl pucspucs ke mempucr ke u se tahfwelah in kapkapwack uh, tuhsruhk elos oruh ohinge ac tahfwelah na in ma sefanna.”7

© 2011 sin Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke English: 6/10. Ahkkweyeyucklac ke lweng: 6/10. Lwenglah luhn Visiting Teaching Message, January 2011. Kosraean. 09761 868

Mwe kahsruh

  1. Eliza R. Snow, “Muhtwacn ke U luhn Muhtwacn in Kahsruh,” Deseret News, Eprel 22, 1868, 81.

  2. Liye Teachings of Presidents of the Church: Joseph Smith (2007), 451.

  3. Liye L. Tom Perry, “Inkacnek Somlah ah ke Ohiyac tok uh,” Liahona, Nov. 2009, 73–76.

  4. Henry B. Eyring, “Ohiyen Muhtwacnglah luhn U luhn Muhtwacn in Kahsruh,” Liahona, Nohfohmpuh 2009, 124–25.

  5. Spencer W. Kimball, “Privileges and Responsibilities of Sisters,” Ensign, Nohfohmpuh 1978, 104.

  6. Spencer W. Kimball, “Relief Society—Its Promise and Potential,” Ensign, Mar.1976, 4.

  7. Jill Mulvay Derr, Janath Russell Cannon, ac Maureen Ursenbach Beecher, Women of Covenant (1992), 28.

Print