Jodikdik
Baajkōļ n̄an Iien ko rej Itok
Elōn̄ likao ro rej kōpooj jāān ko n̄an jerbale juon mijen. Ilo Africa m̧ōttan m̧aanjeppopo ņe ej kabwe jāān ko būki n̄an juon pāājboot (passport). Sedrick Tshiambine ekar bōk ta eo eaikuji ilo juon jekjekin wāween kōļmenļo̧kjeņ im kōm̧m̧an eo ekāāl: jen wiakake binana ko jān tulikin juon baajkōļ.
Sedrick ej jokwe ilo Luputa, Democratic Republic eo an Congo. E ej juon iaan 45 likao ro ilo Luputa district eo ej jerbal n̄an kakkoņ jāān n̄an juon pāājboot (passport) n̄an etal n̄an juon mijen. Ilo DR Congo juon pāājboot (passport) wōnāān ej $250, eo me ej ruo m̧ōttan jilu in wōnāān kalōk juon em̧.
Ak Sedrick ekar jab ebbeer. Ekar bōk jāān in mijen eo an jen an errolool 15–30 kilomita ko (9–19 maeļ ko) jān Luputa n̄an bukwōn jiddik ko, ijoko ekar wiakake binana ko, innām errolool tok deblo̧kwe hot African savanna, baajkōļ eo waan ekar eddo kōn leen wōjke ko n̄an wiakake ilo bukwōn eo. Kajjojo wiik ko ej ito itak enan̄in 180 kilomita ko (112 maeļ ko) ilo iaļ ko rebokbok, im juon kōttan kar jab beļan an kane im kar kōm̧m̧an an itaak.
Kōn kijejeto eo an Sedrick ekar bōk enan̄in $1.25 juon wiik, ak $65.00 juon iiō. Menin ekar bōk emen iiō ko n̄an e bwen bwe jāān eo kakkoņe n̄an wiaik pāājboot (passport) eo an, ak kiiō ejeļā bwe jekļaj eo an ekitbuuj juon iien jerbal in mijen aolep raan kōnke epojak ilo jāān n̄an uwaake kūr eo n̄an jerbal.