Naan in Katak an Kōra Ro, Jānwōde 2011
Bwebwenato eo im Jolet eo an Doulul eo an Kōrā
Katak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am̧ make.
Tōmak • Baam̧le • Deeor
Eliza R. Snow ekar kakememej Rikanaan Joseph Smith ekar katakin bwe “although the name [Relief Society] may be of modern date, the institution is of ancient origin.”1
Jemedwōj Ilan̄ im Nejin, Jisōs Kraist, ekar lotok Joseph Smith im, jen e, kar kōjepļaaktok tarlepen ko̧jpeļ eo n̄an laļ in. Doulul eo an Kōrā ekar m̧ōttan wōt jepļaaktok ņe. Ejaak eo an Kabun̄ eo ekar jab likio m̧ae jejtōr ro rekar ejaak.2
Ilo allōn̄ ko rej itok, kajjojo Naan in Katak an Kōrā Ro enaaj letok n̄an kōj iien ko rem̧m̧an n̄an katak eļapļo̧k kōn bwebwenato eo Doulul eo an Kōrā im m̧ōttan ko an ilo jepļaaktok eo an ko̧jpeļ eo. Kōn elōn̄ wūn ko, meļeļe bwebwenato eo ad ej jab aorōk wōt ak emenin aikuj.
Kein kajuon, juon meļeļe in bwebwenato eo ad ej im̧we kōj n̄an erom̧ kōrā ro an Anij jej aikuj in kar erom̧. Jen ļoor waanjon̄ak ko an Kōrā ro Rekwojarjar Raan-kein rebun̄bun̄, jemaron̄ ekkatak kōn tōre ko etto wāween jelm̧ae ilju im jekļaj.3
Kein karuo, bwebwenato eo ad ej katakin bwe ejja pedped ko wōt me rekar waļo̧k ilo Kabun̄ eo jinoin rej pedped in pedped ko ad rainin. Jeļāļo̧kjeņ in im kōttōpar ko ad—n̄an kōļapļo̧k tōmak im wāppen an juon make, kakajoorļo̧k baam̧le ko im m̧ōko, im jipan̄ jabdewōt ro ilo aikuj—rej kōm̧m̧ane juon ekkejel ikōtaad ippān tōre ko ad etto im raan kein ad.
Kein kajilu, āinwōt ad kaorōke bwebwenato ko ad, emaron̄ em̧m̧anļo̧k ad tilmaakeļo̧k menin jolet eo ad ilo jetōb (our spiritual heritage). Būreejtōn Henry B. Eyring, Rikakpilōklōk eo Kein Kajuon ilo Būreejtōnji eo Kein Kajuon, ekar ba: Kom̧ij lelaļļo̧k jolōt eo ilo ami jipan̄ ro jet bōk menin letok eo an io̧kwe em̧ool. Bwebwenato in Doulul eo an Kōrā ej rekoot ilo naan ko im bwinbwin ko, ak rej leļo̧k jān būro n̄an bōro.”4
Āliktata, meļeļe kōn bwebwenato eo ad ej jipan̄ kōj juon m̧ōttan ewājepdik an ilju im jekļaj eo an Doulul eo an Kōrā. Būreejtōn Spencer W. Kimball (1895–1985) ekar kōm̧eļeļeik, “Jejeļā bwe kōrā ro me ewōr kam̧oolol in em̧wilaļ ippāer kōn tōre ko etto renaaj kea kake ilo kōkajoor juon ilju eo ewāppen.”5
Julie B. Beck, Būreejtōn eo eļap an Doulul eo an Kōrā Ro.
Jān Jeje ko Rekwojarjar
Jān Bwebwenato eo Ad
Relief Society is the Lord’s organization for women.”6 Ilo eddo eo an āinwōt juon rikanaan, Joseph Smith ekar ejaake Doulul eo an Kōrā ilo Maaj 17, 1842. Eo edik, kumi edik ilo kweilo̧k eo kein kajuon rekar kōrā ro rewujlepļo̧k, ejja āinwōt jejtōr ro an Doulul eo an Kōrā rainin. “Dik tata ro rekar jilu rūm̧m̧an ded, im rūtto eo, juon kōrā enemņoul iiō dettan. Jon̄oul juon iaan kōrā rekar m̧are, ruo rekar mej ļōm̧aro pāleer, jijino rejjan̄in kar m̧are, im juon ekar jab alikkar ke ej rim̧are ak jaab. Jeļāļo̧kjeņ eo aer im pedped jeļāļo̧kjeņ eo aer ekar lukkuun dik, barāinwōt jekjek mour ko aer. Aer orļo̧k enaaj kilepļo̧k elōn̄ iien ko ilo an membōr in doulul eo wōnm̧aanļo̧k im eddōkļo̧k, ak rekar im renaaj wōnm̧aanļo̧k im erom̧ juon wōt.”7
© 2011 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin Pālle: 6/10. Kōmālim an Ukook: 6/10. Ukook eo an Visiting Teaching Message, January 2011. Marshallese. 09761 874