Ngeasek

Omerael mora Ngarmedad

Mlara Peter Evans ma Richard M. Romney

Betok el ngeasek el sechal a mengedmokl a udoud el kirel a mora mision. Chelsel a beluu ra Africa ea tara telengtengil tial omengedmeklel a udoud a kirel a cheral a pasport. A Sedrick Tshiambine a milngereker ra chelsel a ngodech el teletael: ngoltak a tuu ra rrat er ngii e olterau.

A Sedrick a kiei ra Luputa, el Beluu ra Congo. Ng tara tirkel okeuang ma teim el ngeasek el sechal ra district ra Luputa el oureor el mengudel a udoud el kirel a pasport el mora mision. Chelsel a Beluu ra Congo ea cheral a pasport a erul dart me okeim el kluk, el locha erung ra edei tiuid ra cheral a domekedechor ra blai.

Eng di a Sedrick a dimlak el bekikl. Ng chiludel a udoud el kirel a mora mission el ngara rrat el 15–30 kilometers (9–19 miles) ra Luputa el mora ikel mekekerei el hang, el mo omechar a tuu, e merekong e lmuut el ngara rrat el merael er tial mekeald el rael ra Africa, el tial rrat er ngii a mui ra rodech el bo lolterau ra chelsel a beluu. Bekel sandei eng rolii a kmeed el 180 kilometers (112 miles) ra medidirt el rael, e kmal di mle tang el meuitech a rrat er ngii el berraod a uchul.

Ma rengelel a urerel ea Sedrick a korkerengii a $1.25 ra tal sandei, malechub eng $65.00 ra tal rak. Meng eual rak longudel a mo cheral a pasport er ngii, eng di ng kmal medengei el kmo a klengar ngii er medal a uldimukl er ngii a mora mision eleng mla mo kldmokl ra udoud a lemei okedong.