Klumech er a Oldingel e Olisechakl, Kot el Buil 2011
Reksi ma Dikesel a Relief Society
Mosuub er tial klumech, ea di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau.
Klaumerang • Telungalk • Ngesou
A Eliza R. Snow a dobedebek osischeklel a Profet Joseph Smith el kmo “meng uaisei el tial ngakl el [Relief Society] a locha kora beches, eng di tial cheldebechel a chuodel a uchelel.”1
A Chedam er Babeluades ma Ngelekel, Jesus Christo, a mlo duum ra Joseph Smith, e okiu ngii, eng mloluut a cherrengelel ebangkelio el mei ra beluulechad. A Relief Society a mle telengtengil tial oluut. A cheldellel a Ikelesia dimlak el mekedmokl ra cherrengelel a lak el mechudel a rodos.2
Aikal buil el merael mei, ea Klumech ra Oldingel e Olisechakl a mo meskid a techelled el mesuub el kirel a reksi ra Relief Society ma ikel telengtengil er tial oltel ebangkelio. Meng betook a uchul, ea klemedengei er kid ra reksi a diak dil klou a belkul ng dirrek el klou el telengtengil.
A kot, a klemedengei er kid el kirel a reksi a mekrolid el mor sel teletael ra kleredil ra Dios el ngii a kired el ngarngii. Sel doltirakl okesiu ra rechetengakl el redil ra Uriul-klebesei el Santo, eng sebeched el suuebii a ngaramong me kede mo kldmokl el kirel a ngarmedad.3
Ongerung, a reksi olisechakl el kmo a osisiu el osisechakl ra uchelel a Ikelesia a dodai ra osischekled er chelechang. Tial klemedengei ma moktek er kid—el mo melisiich ra klaumerang ma melemalt el klechad, e melisiich a telungalk ma blai, e olngeseu ra remechebuul— a ochotii a klaisisiu ra ngaramong ma chelechang.
Ongedei, sel dekirresii a reksi er kid, eng sebeched el mo ungil louchais el kirel a chedaol dikesed. A President Henry B. Eyring, Kot el Counselor ra First Presidency, a dilul kmo: “Ko melemolem el ouchais er tial dikesiu sel molngeseu ra rebebil el nguu a sengk ra bliochel el beltik el reng. … A reksi ra Relief Society a llechukl ra tekoi ma ochur, eng di a dikesed a mengai lokui a reng el mora reng.”4
Ulebongel, ea klemedengei ra reksi a rullid el mo mesisiich el chedal a Relief Society ra ngarmedad. A President Spencer W. Kimball (1895–1985) a silodii el kmo, “Kede medengei el kmo a redil el lochotii a dmolech el omereng el saul el kirel a ngaramong a melbedebek el mo mesmechokl ra mo melemalt el ngarmedad.”5
Julie B. Beck, merredel er a cherrengelel omerreder er a Relief Society.
Ngara Chedaol llechukl
Ngara Reksi er Kid
“A Relief Society a chelchad ra Rubak el kirir a redil.”6 Meng sel dechal el profet, ea Joseph Smith a kildmeklii a chelechad ra Relief Society er sera March 17, 1842. Tial kekerei, e kakerous a rechad er ngii el cheldebechel a mle blak a rengrir el redil, el uaia rodos ra Relief Society er chelechal sils. “A rekot el mekekerei a retedei el ngeasek el redil, ea kot el klou, a redil el ngara okeim a rekil. Teruich ma tang er tir a mle bechiil, terung a mla melakl, telolem a dimlak el bechiil, ea chimong a diak dodengelii el kmo ng mle bechiil ng diak. A skulir ma klechad er tir a kmal mle kakerous, luldimukl a teletelel a kerkerengir. A klekakerous er tir a milleketek ra lorael tial cheldebechel el mo obdois a rechedal, eng di te millemolem el dmak e kaukledem.”7
© 2011 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/10. Kengei er a oidel: 6/10. Oidel a Visiting Teaching Message, January 2011. Palauan. 09761 881