Bonana
Kgweeletsa mo Isagong
Bontsi jwa makawana baipaakanya mo go tsa madi go direla thomo ya kanamiso efangele. Mo Aferika karolo ya go ipaakanya ke go amogela madi a a lekanyeng go tsaya pasa ya mosepele. Sedrick Tshiambine o ne amogela mo a go tlhokang ka tsela ya kgwebo: ka go rekisa dipanana mo morago ga baesekele.
Sedrick o nna mo Luputa, Democratic Republic of Congo. Ke mongwe wa makawana a 45 mo kgaolwaneng ya Luputa yo a berekelang go boloka madi a pasa ya mosepele go yeng thomo ya baanamisa efangele. Mo DR Congo pasa ya mosepele e lopa $250, e le gore ke bobedi mo borarong tlhwatlhwa ya go aga ntlo.
Mme Sedrick o ne a sa itsape. O ne a dira madi a thomo ya baanamisa efangele ka go kgweetsa baesekele 15–30 dikhilomithara (9–19 dimaele) go tswa Luputa go ya metsaneng e mennye, ko o a rekang dipanana teng, ka jalo a kgweetse go boela morago go feta mo mogoteng wa savana wa Aferika, baesekele e tladitswe ka maungo gore a rekise mo toropokgolong. Beke ngwe le ngwe o tsamaya gongwe dikhilomithara di le180 (112) motseleng e motlhaba, le gore gangwe fela mo rwalo o kile wa wa.
Mo bokgoni jwa gagwe o ne a bona $1.25 ka beke, kgotsa $65.00 ka ngwaga. Go motsere dingwaga tse nne go boloka mo go lekaneng pasa ya mosepele, mme jaanong wa itse gore isago e tla nna thomo ya baanamisa efangele gonne mo go tsa madi o siame go araba pitso go dira.