iTabagone
Na Levu ni Daukaulotu ena Noqu Bula
Na imatai ni Sigatabu au lako kina i lotu vata kei rau na daukaulotu, au kila mai kina eso na tamata ka keimami vakaitikotiko vata. Au a raica e dua na noqu itokani vinaka sara mai koronivuli, na sekeriteri ni koronivuli ni paraimari kei na sekenidri, dua na goneyalewa au sega ni dau yaloni koya ena veigauna sa oti, kei na dua na cauravou au a dau vinakati koya lo voli.
E tiko e yadua na keimami isema ka na dau guiguilecavi dredre. Na noqu itokani dredre e dua na gone yalewa yalodina, ka sa ikoya sara ga au tomana kina na noqu vakadikeva na Lotu. O ira na sekeriteri mai koronivuli era vukea meu kilai au vinaka cake. Au vulica na loloma vakalou kei na loloma cecere mai vua na gone yalewa kau a sega ni dau ivakaraitaki vinaka vua e liu. Koya na cauravou au dau vinakati koya lo voli, sa ivakaraitaki vinaka sara ga, kau raica rawa na rarama ni nona rai kau sa dau via tiko tikivi koya voli ga.
Na veika e sotavi oqo e vukei au meu vulica ni, se bera mada ga noqu vakaraitaki au vei ira na daukaulotu, sa vakarautaki au tu na Tamada Vakalomalagi meu ciqoma na kosipeli mai vei ira na tamata a biuti ira o Koya me ra tu wavokiti au. Au vulica mai vei ira ni veika lalai eda cakava e rawa me uasivi sara na kedra yaga. E bibi vakalevu sara, noqu vulica ni cakacaka ni kaulotu e tekivu sara ga mai vei au.