2011
Fohlohkyak luhn Ma Nuh Kwewa
February 2011

Pweng ke Forfor Luti, Febweri 2011

Fohlohkyak luhn Ma Nuh Kwewa

Lutlutkihn kuhfa se inge ac, fin fal, sramsramkihn nuh sin tahmtahel kom muhtwacta yohroh an. Orekmakihn kihsen siyuck uh in kahsrwe kom ahkkweye tahmtahel wiyom an ac in oruh U luhn Muhtwacn in Kahsruh uh in ip utuftuf se ke moul lom sifacna an.

Petsac
Relief Society seal

Luhlahlfongi • Sucu • Kahsruh

Mwet Pahluh Joseph Smith el akiyac U luhn Muhtwacn in Kahsruh in ekihn ip enenweyuck se ke Alu uh. In ekihn prestuhnsi se, kuht finsrak tuh kuht in kahsrwe kom kahlwem kac lah efuh U luhn Muhtwacn in Kahsruh enenweyuck nuh in moul lowos.

Kuht etuh lah muhtwacn ke Wuhlweacng Sasuc uh ahkkahlwemye luhlahlfongi ke Jisus Kraist ac wi ke oruh orekma Lal uh. Luk 10:39 fahk kacl Mary, suc “muhta ke niyacl Jisus, ac lohng kahs lal.” In Jon 11:27 Martha el ahkloh kacl Kraist: “El fahk nuh sel, Ahok, Leum: Nga luhlahlfongi tuh kom pa Kraist, Wen nuhtin God, suc fah tuhkuh nuh facluh.” Orekma 9:36, 39 el fahk ke sie “mwet tuhma lutlut se Tabitha, … sesseslah ke orekma wowo. … Ac katinmas ah kwewa tu pe acn sac … in kohfahli nuknuk kuh kot suc ma[el] orwaclah.” Phebe, ke Mwet Rome 16:1–2, sie “mwet kuhlwacnsap luhn alu uh met” ac” mwet kahsruh se luhn mwet pucspucs.”

Atacn luhlahlfongi inge, fahkwack luhlahlfongi, ac kuhlwacnsap tuhtahflah ke Alu ke lwen-sahflah ac ahkwoyeyucklac ke akwucki ke U luhn Muhtwacn in Kahsruh. Julie B. Beck, prestuhn luhlahp ke U luhn Muhtwacn in Kahsruh, el luti ohinge: “Oacna ke Mwet Lahngo el solwacl Mary ac Martha ke we luhn Wuhlweacng Sasuc in wi oruh ke orekma Lal, muhtwacn ke we se inge oasr kunohkohn lalos in wi oruh ke orekma luhn Leum. … Akwucki ke U luhn Muhtwacn in Kahsruh ke 1842 moklweack kwewa kuhiyen muhtwacn ac kain in kunohkohn lalos in muhsahi tohkohsrahi luhn Leum.”1

Kuht orwaclah orekma lasr uh ke kuht lohacng nuh ke srihpac ke U luhn Muhtwacn in Kahsruh uh: in ahkyohkye luhlahlfongi ac suwohs luhn kais sie, ahkkweye sucu uh ac lohm uh, ac suk ac kahsrwelos suc enenuh.

Nga ahkpwacyei lah U luhn Muhtwacn in Kahsruh uh akwucki muhtahl in kahsruh ke orekma in molwelah. Kais sie tahmtahel ke U luhn Muhtwacn in Kahsruh uh oasr kunohkohn enenweyuck la in oruh in orwaclah orekma muhtahl se inge.

Silvia H. Allred, mwet kahsruh se met ke prestuhnsi luhlahp Ke U luhn Muhtwacn in Kahsruh.

Ke Ma Suhmuhslah

Joel 2:28–29; Luk 10:38–42; Mwet Efesus 1:10

Ke Sramsram Mahtuh Lasr

Tahmtahel Julie B. Beck el luti lah “kuht etuh sel Mwet Pahluh Joseph Smith lah U luhn Muhtwacn in Kahsruh uh pa ip wo se ke Fohlohkyak sac.”2 Ohiyen fohlohkyak se muhtwacwacack ke Aruhrruhma se Met ke 1820 ac fahfahsruh “lain nuh ke lain, kahs nuh ke kahs” (D&C 98:12). Ke pacl se U luhn Muhtwacn in Kahsruh uh akwucki wo ke Mahs 17, 1842, Mwet Pahluh el luti muhtwacn uh ke acn enenweyuck lalos ke fohlohkyak luhn Alu uh. El fahk, “Tuh Alu uh tiacna fasi akwuck la nwe ke na muhtwacn uh akwucki.”3

© 2010 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/10. Ahkkweyeyucklac ke lweng: 6/10. Lwenglah luhn Visiting Teaching Message, February 2011. Kosraean. 09762 868

Mwe kahsruh

  1. Julie B. Beck, “Ahkfalye Srihpac ke U luhn Muhtwacn in Kahsruh uh,” Liahona, Nohfohmpuh 2008, 108.

  2. Julie B. Beck, “Fulfilling the Purpose of Relief Society,” 108.

  3. Teachings of Presidents of the Church: Joseph Smith (2007), 451.

Meac Nga Kuh in Oruh uh?

  1. Kahsruh fuhkah Nga kuh in fosrngahkihn nuh sin tahmtahel wiyuck uh ke mwahlwem se inge suc ahkngwetye luhlahlfongi luhn muhtwacn etahwi luhn Jisus Kraist?

  2. Mwe luti fuhkah ke fohlohkyak luhn wosasuc Nga ac fah lutlut kac in ahkkweye fahkwack luhlahlfongi luhk ke mahlwem se inge uh?

Print