Mwet Fuhsr
Ma Wo ke Ngalngucl luhn soko Kosro
Ke summer ke yac 2009 ac, Ngalngucli muhtuhk sin kosro soko nuhtin kawuck se luhk. Koluk ohiyac, ngalngucl sac seyac inngohsrok, ac nga enenuh in eis tuhta uh.
Tukun kihnet sac, nga oelac na pwacye. Nga fuhlweang ma upac uh in isyac nuhnkuhk, ac nga puhla lah moul luhk nohfohn uh muhsahllah. Nga inse-srihsrihk ke inngasrok ac tiac luhngse in som nuh inwalihl na pwacye. Ke mwe nuhnak luhk uh plwacn in piano, volleyball, alu, kofkof, ac lutlut luhk uh itucngyucki ke muhsahllah se luhk ah.
Tuhsruhk ke pacl nuh kwewa nga pruhe, eis mwe insewowo luhn pristut, sramsram nuh sin pahpah ninac kiyuck uh, kuh fahsriyuck sin sucu ac kawuck luhk uh, nguhnik tohuyak ac nga puhla engan ke pacl in suhpwacr uh. Nga sana akihlacnwack lah mwet uh fin nuhnkuh ke muhsahllah se luhk uh, elos ac puhla pahko muhta.
Puhlakihn se inge kahsruh muhsahi atac se luhk uh, ac nga lotwelah in tiac elyah ke ma mwet sahyac uh nuhnkuh keik uh. Nga ahkinsewowoyeyuck pac ke srihpen muhsahllah se luhk uh kahsreyuc in akihlen lah nga enenuh in tiac nuhnkuh yohk keik sifacna ac muhtwacwacack fosrngahkihn yohk mwet sahyac uh. Nguhnik ahkkweyeyucklac wo ke puhlan pacl se inge.
Nga etwaclah lah ma upac uh pa sie ip ke plwacn luhn Pahpah Lucng nuh sesr uh. Kuht fin liye ke ma wo ac tiac ke ma koluk uh, kuht kuh in kuhtanglah ma upac uh, oruh sie mwet wowo, ac fuhlweacng ma puhlweyuck an in ahkkweye luhlahlfongi lasr uh.