Ngeasek
Sel Kuk Klungiolel a Bengchel a Bilis
Sera summer er a 2009, e ak ulebangch a medak er a chermel a sechelik el bilis. Ng kmal mle mekngit, e le tial lulebangch a tiliuedii a berdel e ngerek, meng mle kirel mo rresimel.
A uriul er tial tellemall, ea kmal mle mekngit a renguk. Ak mle mecherei a cherarou meng ulebang a uldesuek, me ak mlo melchesuar el kmo tial klengar er ngak a kmal metemellang. Ak mle merur er a berdel a ngerek meng dimlak el soak el mo tuobed er a buai. Chelsel a uldesuek e a ikel kulumdasou el tekingel a piano, volleyball, ikelesia, omengedub, ma skuul a kmal di ngilemed er tial telemall .
Engdi sel bek el kululuuch, ek nguu a klengeltengat ra priesthood, ek kadecheduch ngak ma delak ma demak, malechub e te me oldingel er ngak a telungalek er ngak ma rsechelik, e ng kmal mo dmeu a renguk e ungil a renguk ra taem ra klengit er reng. Ak mlo medengei el kmo alsekum a rechad a omdasou er tial telemall er ngak, e te melchesuar a klechubechub.
Tial blekeradel a ngilsukak el meleketek ra ungil blekeradel, ak dirrek el mlo meduch el diak simbai er a uldesuir a rebebil er a rechad el kirek. Ak dirrek el ngilai a kleltengat e le tial telemall a bai ngilsukak mak mlo medengei el kmo ng kirek el diak sal di omdasou el kirek e bai mo omuchel el omekereu el mo ra rebebil. A renguk a kmal mlo mesisiich ra chelsel tial taem.
Ak mlo medengei el kmo a cherarou a tebedechel a uldesuel a Demad el Ngara Babeluades el kired. Alsekum me ke dosiik er a ungil e diak el mekngit, eng sebeched el mo mesisiich er a cherarou, e mo ungil chad, e okiu tial blekeradel e kede mo smisiich a klaumerang er kid.