Klumech ra Oldingel e Olisechakl, Ongedei el buil 2011
Eungel a Priesthood el okiu Okesiul a Priesthood
Mosuub er tial klumech, ea di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau.
Klaumerang • Telungalek •Ngeseu
Betik ra renguk rodos, ke de meral ngeltengat! Ngdiak di dechad er tial Ikelesia, ke de dirrek el ngara chelechad er a Relief Society—“ng cheldebechel er a redil er a Rubak.”1 A Relief Society a cholchotel a beltkil a rengul a Dios el mora rengelekel.
Ng diak bol deu a rengum sel bo molebedebek er a deuil a uchelel tial chelechad? Sera March 17, 1842, ea Profet Joseph Smith a mlo kudmeklii a rodos “er eungel a priesthood el lomekesiu er a okesiul a priesthood.”2
Sel kldmokl “ra eungel a priesthood” a mesterir a rodos a klisiich ma rael lokiu ngii. A Eliza R. Snow, a mle ongerung el merredel ra cherengelel a Relief Society, ng mle olsisechakl el kmo a Relief Society “a diak el sebechel ngarngii el ileakl ra Priesthood, eleng ulsirs ra klemerang el kmo ng melai a rokui el ongetikaik ma klisichel er ngii.”3 A Elder Dallin H. Oaks ra Chelechad ra Teruich ma Terung el Apostol a mlo meketeklii, “A klisiich el bo lobang a rechedal ma resensei ra Relief Society… a klisiich el mo er tir lokiu a chelechad lulech el mo ra Ikelesia ra Jesus Kristo ra Uriul-klebesei el Santo e dirrek loeak sel bol moterkokl lokiu a roungerachel er a priesthood el milsterir okedong.”4
Sel kldmokl “lokiu a okesiul a priesthood” a mesterir a rodos a chedaol el ngerachel. A Julie B. Beck, el oungerachel er a cherengelel omerredel ra Relief Society, a milketeklii el kmo: “Kid a oureor el diua okesiul a priesthood—meng belkul a kmo kede osiik, e ngmai, e mengedmokl lokiu a ocholt; oltobed a uldesued ra ongdibel; e dirrek el kerekikl el kirel a okereruil a ta ma tang. Tial chelechad a moktek ra priesthood a mengedmokl er kid el kirel a klengeltengat er a diak a ulebengelel el klengar lokiu omeruul e mengeluou a telbiil. Maluaisei, e ng diuaia rodam el urekodel ra priesthood, tial dobang a ureor er a olsobel, mesiou, el kirel me bo de chedaol chad.5
A Barbara Thompson, ongerung el counselor er a cherrengelel omerreder er a Cheldebechel er a Rolngeseu.
Ngara Chedaol Llechukl
Ngara Reksi er Kid
Sera lomekedechor er a Templo ra Nauvoo, ea delebechel rodos a mle sorir el mo dmak e oldubech er tial okedecheraol. A Eliza R. Snow a mlo luchesii a llechul tial beches el chelechad. Sera lochotii ra Profet Joseph, e ng dilu el kmo: “Mdu er tirkal rodos el kmo a uldars el mla er tir a kmal di ungil besul ra Rubak, ng bai ngarngii a blal kedmeklii el ungil el mo er tir. … Ak kmo meruul er tirkal redil me temo ngar eungel a priesthood el okiu okesiul a priesthood.”6 Telkib el taem ruriul, e a Profet a millekoi er tial beches el mla mekedmolk el Relief Society el kmo: “ Chelechang e ak nguu tial kiis el meskemiu loba ngklel a Dios, e tial Chelechad a mo outkeu, ea klaumedengei ma llomes a mo omaoch er chelechal taem.”7 Tirkal rodos a mlo kirir kokak el kuk mora tara dauch ra cheledaol e mo mengedmokl kirel a ruoll ra priesthood el di kmedung eng mo ketmekill ra templo.
© 2011 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/10. Kengei er a oidel: 6/10. Oidel a Visiting Teaching Message, March 2011. Palauan. 09763 881
Ngerang Sebechek el Rulii?
-
Ng mekerang e sebechek el ngosuterir a rodos el kuldingel er tir el mo ungil a rengrir era ikal klengeltengat ra cheledaol el urerel a Relief Society?
-
Ngera kmo remuul er chelechal buil el mo ngosukak el mo ngmai a ocholt el mer ngak?