Lamharon

Ginpakita Niya ang Alagyan Pabalik sa Langit

“Ang Manluluwas nagkari sa duta agud ipakita sa aton kon paano ipangabuhi ang plano nga gindihon sa langit—isa ka plano nga, kon ipangabuhi, magapalipay sa aton. Ang Iya ehemplo nagpakita sa aton sang alagyan pabalik sa aton Amay nga Langitnon. Wala sing bisan sin-o nga nagkabuhi nga nangin tuman ‘kamalig-on kag di-malingkang’ (Mosias 5:15). Wala gid sia nadula sa iya direksyon. Nakatutok Sia sa paghimo sang pagbuot sang Amay, kag nagpabilin Sia nga matutom sa Iya diosnon nga misyon. …

“Kabahin kamo sinang matahum nga plano nga ginpresentar sa kalibutan antes sa duta. Ang inyo pagkari sa duta ginpaabot na sadto pa sang ginbaton ang plano. Ang inyo nahamtangan sa panahon kag lugar indi isa ka aksidente. Ang inyo ‘tuman nga pagtuo kag maayong mga binuhatan’ (Alma 13:3) sadto amo ang nagpasad sang pundasyon sa inyo sarang nga mahimo sa karon kon kamo mga matutom kag matinumanon. … May dako kamo nga buluhaton. Agud matuman ang inyo diosnon nga misyon kag mapangabuhi ang plano sang kalipayan, kinahanglan ninyo nga mangin malig-on kag di-malingkang.”

Elaine S. Dalton, pang-kabilugan nga pangulo sang Young Women, “At All Times, in All Things, and in All Places,” Liahona, Mayo 2008, 116.