Agtutubo

Impakitana Kadatayo ti Dalan nga Agsubli iti Pagtaenganna

“I mmay ti Mangisalakan iti daga tapno ipakitana kadatayo no kasano ti agtungpal iti plano a naaramid iti langit—maysa a plano a, no matungpal, ket mangparagsakto kadatayo. Impakita ti pagwadanna kadatayo ti dalan nga agsubli iti pagtaengan ti Nailangitan nga Amatayo. Awan ti asino man a nagbiag ti nagbalin a ‘natibker [unay] ken saan a maisin’ (Mosiah 5:15). Di kaano man natikaw Isuna. Impamaysana ti panangipatungpal iti pagayatan ti Ama, ken nagtalinaed a napudno iti nadiosan a misionna. …

“Pasetkayo dayta a nakakaskasdaaw a plano a naidatag iti pagarian iti biag sakbay iti yaay ditoy daga. Napadpadaanan ti idadatengyo ditoy daga ita manipud pay idi naawat ti plano. Ti saadyo iti panawen ken lugar ket saan nga aksidente. Ti ‘aglaplapusanan a pammati ken nasayaat nga ar-aramidyo” (Alma 13:3) ngarud ti nangikabil iti pamuon para iti no ania ti maileppasyo ita no napudno ken natulnogkayo. … Addaankayo iti dakkel a trabaho nga aramiden. Tapno maileppas ti nadiosan a misionyo ken matungpal ti plano ti kinaragsak, nasken nga agbalinkayo met a natibker ken saan a maisin.”

Elaine S. Dalton, sapasap a presidente ti Young Women, “At All Times, in All Things, and in All Places,” Liahona, Mayo 2008, 116.