Mwet Fuhsr

El Ahkkahlwemye Nuh Sesr Inkacnek in Fohlohk nuh Yen Sesr uh

“Mwet Lahngo El tuhkuh nuh facluh in ahkkahlwemye nuh sesr ohiyacn moulkihn plwacn se ma oreklac inkuhsrao — plwacn se ma, fin moul, ac fah ahkenganye kuht. Mwe srihkasrak Lal ahkkahlwemye nuh sesr inkacnek in fohlohk nuh yen sesr yurin Pahpah tuhmasr Inkuhsrao. Wacngihn sie mwet suc moul ma arlacna ‘tu kuh ac tiac mukwikwi’ (Mosiah 5:15). Wacngihn pacl El lusrongyucklac. El lohacng in orwaclah luhngse luhn Pahpah, ac El suwohs na ke misin muhtahl Lal. …

“Kowos pa ip se ke plwacn wolacna se ma utuckuh ke moul se met liki kuht tuhkuh nuh facluh ah. Tuhkuh lowos nuh facluh uh nuhna tuhpanyuck ke pacl se ma plwacn sac ahkkweyeyucklac ah. Oasr lowos fin acn uh kuh pacl uh tiac ma ohnglac ohiyac se. ‘Luhlahlfongi yohk ac orekma wowo’ lowos uh (Alma 13:3) akiyac pwelucng nuh ke ma kom ac kuh in orwaclah inge kowos fin luhlahlfongi kuh ac ahkostwen. … Oasr orekma yohk se lowos in oruh. In kuh in orwaclah misin muhtahl lowos uh ac moulkihn plwacn in engan uh, kowos oacyacpac enenuh in tu kuh ac tiac mukwikwi.”

Elaine S. Dalton, Prestuhn luhlahp luhn Muhtwacn Fuhsr, “Ke Pacl Nuh Kwewa, ke Ma Nuh Kwewa, ac in Acn Nuh Kwewa,” Liahona, Mei 2008, 116.