Pweng luhn Prestuhnsi Se Met, Eprel 2011
El Wacngin Inge, tuhsruhtuh El Moulyak
Mihsenge ma muhsahllah muhkwena luhlah Capernaum, siti se sisken luhluh, fihten acn Mwet Lahngo El oruh orekma lal Galilee ac. Inge El luti ke iwen lohlngohk, luti sisken kof uh, ac unwaclos in lohm selos.
Ke muhtwacwacyen luti Lal, Jisus El eis sie mwe rit ke Isaiah: Tuh Nguhn luhn Leum God oan fuck; mweyen Leum El mosrweyuclac in luti pweng wolacna nuh selos suc fwakpacp; El suhpweyucme in orwacloseni nuh kwewa suc inse ahsor, in fahkwack sukohsohklah nuh selos suc srohoh, ac ikacklah luhn iwen kapihr nuh selos suc muhta in kapihr” (Isaiah 61:1; oacyacpac liye Luk 4:18) — mwe fahkwack na kahlwem se ke plwacn wolacna in molwelah tuhlihk mukul ac muhtwacn nuhtin God.
Tuhsruhktuh luti luhn Jisus fin acn Galilee pa muhtwacweyen orekma Lal. Wen Nuhtin Mwet El oruh tuhkweni ahksahngweng ke pacl nuh kwewa ke ohl soko pahngpahng Golgotha.
El sruhuh ke Imac Gethsemane tukun Kuhfa Sahflah, srwenglah liki mwet sap Lal, acniuck El, srihfeyuck, ahkpuhsisaclyeyuck, Jisus El srihngelihk ye sahksin luhlahp soko Lal fahsr nuh Calvary. El kapkapwack ke kuhtanglah nuh ke tuhkahkihnyuckyak, ahkkweokyeyuck, ac misac fin sahksin soko.
Ke kahs ke on soko “Siti Muhtahl Sac”:
Luhman acn sac eklac. …
Lohtu sac ohyohu ac mihsrihsr,
Ke ngunin sahksin soko ah sikyak
Fin ohl muhkahimtacl soko.1
Nuh sesr Pahpah tuhmasr Inkuhsrao El acse Wen Nahtuhl. Nuh sesr Tamuhlwel Mahtuh wiyacsr El fuhlweack moul Lal.
Ke pacl na sahflah sac Mwet Luti sac kuh na in forlah. Tuhsruhktuh El tiac. El tuhkuh ye ma nuh kwewa tuh Elan kuh in molwelah ma nuh kwewa: mwet uh, facluh, ac ma moul nuh kwewa ma muhta fac.
Wacngihn kahs yurin mwet Kristin yohk kalmac nuh sihk liki na kahs ma fwackyuck sin lupufacn nuh sel Mary Magdalene suc tuhng ac Mary se sahyac ah ke elos apkuhran nuh ke kuclyuck sac in orekma ke monin Leum lalos: “Efuh kowos suk mwet moul inmahsrlon mwet misac? El wacngihn inge, tuhsruhktuh El moulyak (Luke 24:5–6).
Ke mwe fahk se inge, elos suc moul ac misac tari, elos suc moul inge ac sie lwen fah misac, ac elos suc soenna isuslac ac soenna misac tuhfahna moliyucklac.
Ke srihpen kuhtanglah luhn Kraist sac kuclyuck uh, kuht nuh kwewa ac fah sifil moulyak. Pa inge moliyucklac luhn nguhna uh. Paul el suhmuhslah:
“Oasr … mahno luhn celestial, ac mahno luhn terrestrial: tuhsruhktuh wolacna luhn celestial pa sie, ac wolacna luhn terrestrial pa siepacna sahyac.
“Oasr wolacna se ke faht uh, ac siepacna wolacna ke mahlwem uh, ac siepacna wolacna ke itu uh: tuh sie itu sie liki na wolacna luhn sie pac itu.
“Ac oacyacpac sifil moulyak liki misac” (1 Mwet Korint 15:40–42).
Wolacna luhn celestial pa kuht suk uh. Muhta yurin God pa finsrak yohk lasr uh. Sucu ma pahtpaht pa kuht ke wi uh.
In El suc molikuhtlac kais sie liki misac ma pahtpaht, nga fahkwack lah El mwet luti se luhn ma pwacye, tuhsruhktuh El fuhlwact liki na mwet luti se. El mwet srihkasrak luhn moul fas uh, tuhsruhktuh El fuhlwact liki mwet srihkasrak se. El pa Mwet ono wolacna sac — tuhsruhktuh El fuhlwact liki na sie mwet ono. El pa Mwet Lahngo pwacye luhn facluh, Wen nuhtin God, Fihsrwack in Mislac, Mwet Muhtahl se luhn Israel, Leum moulyak se, suc fahkwelihk, “Nga pa omet ac sahflah; Nga pa El suc moul, Nga pa El suc acnwucki; Nga pa mwet iwe lowos yurin Pahpah (D&C 110:4).
“O, engan luhlahp ma fahk soko inge acse: ‘Nga etuh lah Mwet Lahngo luhk El moul!’”2
Ke ma inge nga fahkwack.
© 2011 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/10. Ahkkweyeyucklac ke lweng: 6/10. Lwenglah luhn First Presidency Message, April 2011. Kosraean. 09764 868
Luti ke Pweng Se Inge
Mwet luti wowo ahkkweye asruoki inmahsrlon met elos luti uh. Ke elos akacsruhi ke nuhnak lalos ac porongo sie sin sie, elos tiac insewowo muhkwena ke ohiyac wowo se ke lutlut uh tuhsruhktuh elos asruoki liki na met ah (liye Teaching, No Greater Call [1999], 63). Insese fah yokwelihk inmahsrlon mwet kowos luti nuh kwewa ke kowos ac elos efahllac ke fahkwack luhlahlfongi ke Iwaclah luhn Jisus Kraist ac Sifil Moulyak Lal. Insese se inge kuh in kahsruh sucu in ukwe luti lal Prestuhn Monson in orwaclah sie “sucu ma pahtpaht.”