Reirei Ibukin Ara Tai
Reirei n te Nakoanibonga n te Merekitereka ao Bootaki n Aine n te kaaua n Tabati e na kaineti nakon “Teachings for Our Time.” (Reirei Ibukin Ara Tai) A kona reirei n tatabeua nako ni katauraoaki man te maroro ae teuana ke e mwaiti riki ae a reke man maungatabu aika tibwa karaoaki. Beretitenti n titeiki ao mwakoro a kona n rinea te maroro ae a riai ni kabongana ke a kona n anga te tabe aei nakoia bitiobi ao beretitenti n te mwaanga. Taan kairiiri a riai ni katuruturua kakawakiia mwaane n te Nakoanibonga ae te Merekitereka ao aine n te Bootaki n Aine ni kamatebwaia te maroro ibukin te Tabati anne.
Naake a ira te kaua n Reirei n Tabati a kaungaaki bwa a na kamatebwaia ao n uotii nakon te kiraati maroro ake a koreaki n te maekatiin n te kabane ni maungatabu ni kabuta.
Tabeua iango ibukin Katauraoan te Reirei man Maroroo
Tataro bwa te Tamnei ae Raoiroi e na mena iroum ngkana ko kamatebwai ao n reirei iaon (taian) maroro. Ko kona ni kaririaki bwa ko na katauraoi reirei man bwaai tabeua, ma te maroro n te maungatabu bon karikiram aika a tia ni kariaiakaki. Tabem bwa ko na buokiia aomata n reiakina ao ni maiuakina te euangkerio are e reireiaki taekana n te maungatabu ae e a tibwa otinako man te maungatabu n te Ekaretia.
Manga rinanon (taian) maroro, taratarai koaua ao reirei ake a kaitara ma kainnanoia kaain te kiraati. Taratarai naba karaki, kiibu nakon koroboki aika a tabu, ao mwakoro n taeka man (taian) maroro ake a na buokiko n reiakinii koaua aikai.
Karaoa karinanin aron reiakinan koaua ao reirei. Am karinan e riai ni kairii titiraki ake e na buokiia kaain am kiraati.
-
Taratarai koaua ao reirei n (taian) maroro.
-
Iangoi nanoia.
-
Tibwa te oota, iango, atatai, ao koaua nako.
-
Karaoi reirei ao koaua aikai ni maiuia.
|
Namwakaina |
Kaaua-Tabati Bwaai n Reirei |
|---|---|
|
Meei 2011–Okitobwa 2011 |
Marooro a boretiaki ni Meei 2011 Riaona* |
|
Nobembwa 2011–Eberi 2012 |
Marooro aika a boretiaki n Nobembwa 2011 Riaona* |