Dagiti Pannursuro para iti Panawentayo

Dagiti adalen iti Melchizedek Priesthood ken Relief Society kadagiti maikapat a Domingo ket maisangratto iti “Dagiti Pannursuro para iti Panawentayo.” Mabalin nga isagana ti tunggal adalen manipud iti maysa wenno ad-adu pay a bitla a naited iti kallabes unay a sapasap a komperensia. Mabalin dagiti stake ken district president ti pumili no ania kadagiti bitla ti nasken a mausar, wenno mabalinda nga idutok ti pagrebbengan kadagiti bishop wenno branch president. Nasken a yunay-unay dagiti dadaulo ti kinapateg dagiti kakabsat iti Melchizedek Priesthood ken kakabsat iti Relief Sociey a mangad-adal kadagiti isu met la a bitla kadagiti isu met la a Domingo.

Dagiti dumardar-ay kadagiti adalen iti maikapat a Domingo ket maallukoy nga agadal ken mangitugot iti klase ti kaudian nga isyu ti magasin iti sapasap a komperensia.

Dagiti Singasing para iti Panangisagana iti Adalen manipud kadagiti Bitla

Agkararagka tapno kaduaennakanto ti Espiritu Santo kabayatan ti panagadal ken panangisurom (kadagiti) bitla. Mabalin a masulisogka a mangisagana iti adalen nga usarem dagiti dadduma a material, ngem dagiti bitla iti komperensia ti naanamongan a kurikulum. Ti naituding nga aramidem ket mangtulong kadagiti dadduma nga agsursuro ken agtungpal iti ebanghelio kas naisuro iti kallabes unay a sapasap a komperensia ti Simbaan.

Subliem nga adalen (dagiti) bitla, a sapulem dagiti pagbatayan ken doktrina a mangipaay kadagiti kasapulan dagiti miembro ti klase. Kasta met a sapulem dagiti estoria, reperensia ti nasantuan a kasuratan, ken palawag manipud (kadagiti) bitla a makatulongto kenka a mangisuro kadagitoy a kinapudno.

Agaramidka iti maysa a balabala [outline] ti no kasano ti panangisurom kadagitoy a pagbatayan ken doktrina. Nasken a mairaman iti balabalam dagiti saludsod a makatulong kadagiti miembro ti klase a:

Mangsapul kadagiti pagbatayan ken doktrina [kadagiti] bitla.
Mangpanunot maipapan iti kaipapananda.
Mangiburay iti pannakaawat, kadagiti kapanunotan, padas, ken pammaneknek.
Mangyaplikar kadagitoy a pagbatayan ken doktrina iti panagbiagda.

Dagiti bulan	Dagiti Material ng Adalen iti Maikapat-a-Domingo
Mayo 2011–Oktubre 2011	Dagiti bitla a naipablaak iti Mayo 2011 Liahona*
Nobiembre 2011–Abril 2012	Dagiti bitla a naipablaak iti Nobiembre 2011 Liahona*