Jodikdik ro
Ebwe Jāān
Iaar ioone mijinede ro ke Ikar 17. Ilo kar iien eo ļaddik eo erūtto jeiū im N̄a kar jokwe ippān doon. Kōrā eo jinōm ro eaar mej ilo iiō eo m̧oktak ļo̧k, im mour ekar pen. Ke mijinede ro raar katakin eō, Iaar maron̄ in loe bwe Kabun̄ in ekar juon eo Iaar iien otemjej pukōte. Bōtaab kōn kareel eo an ro m̧ōtta kar dāpij eō jān etal n̄an jar ilo Jabōt ko.
Juon iien Ikar etal n̄an juon m̧akūtkūt an Kabun̄ in ilo wiik eo. Loe aolep armej ro rem̧m̧an ded ettōn̄ im ikkure kar bōktok n̄an eō lan̄lōn̄ eļap. Mijinede ro, ippān jodikdik ro, kar bōk iien eo em̧m̧an n̄an katakin eō juon katak an ko̧jpeļ, im eaar kanooj em̧man aō en̄jake Iaar kālōt n̄an peptaij.
Ak em̧ool ālkin Aō koba tok ilo Kabun̄ in, Iaar ioon apan̄ ko. Kar n̄a wōt membōr an Kabun̄ in ilo m̧ōttan eo an jikin eo im Iaar jokwe ie ettoļo̧k jān im̧ōn jar eo. Ro m̧ōtta rejjab membōr raar jab kōņaan kōm̧m̧an jabdewōt ippa. Ke Iaar en̄jake ajimakeke, Iaar jar im kar en̄jake iakwe eo an Irooj.
Kajjojo allōn̄, Ikar bōk juon jāān eo edik jān juon jāān jinō eaar kōm̧m̧ane. Eaar pen n̄an kake n̄an n̄a make kōn jon̄an jāān eo ekanooj in dik. Bōtaab Iaar kālōt n̄an pokake. Iaar kōļļā juon m̧ōttan jōn̄oul im barāinwōt aikuj in kōļļā wōņāān aō iuwe ļo̧k n̄an jemeneri im kweilo̧k ko ilo Jabōt. Iaar jab meļeļe ekōjkan, bōtaab ilo jem̧ļo̧kin allōn̄ eo, Iaar lo bwe eaar bwe jāān n̄an kōm̧m̧ani aolepāer.
Ijeļā bwe em̧ōj aō kar jeram̧m̧an kōn kōļļā juon m̧ōttan jōn̄oul. Pokake kien in eaar jipan̄ eō bōk juon naan in kam̧ool ekajoorļo̧k, jerbale juon mijen, im kile kōjeram̧m̧an ko bwe In maron̄ kōkajoor membōr ro rekāāl me rej jelm̧ae apan̄ ko.