Ennaan eo an Būreejtōnji eo Kein Kajuon, Juun 2011
Kōjeram̧m̧an ko an Juon M̧ōttan Jon̄oul Eo
Unin an Anij letok kien ko n̄an kōj ej n̄an kōjeram̧m̧an kōj. E ekōņaan letok n̄an kōj mour indeeo, menin letok ko An eļaptata (lale D&C 14:2). N̄an bōk menin letok an mour Ippān n̄an indeeo ilo baam̧le ko ilo aiboojoj eo an celestial, bwe jen maron̄ mour kōn kien ko an aelōn̄ in kiin̄ jab in (lale D&C 88:22).
E em̧ōj an kar letok kien ko n̄an kōj ilo mour in n̄an jipan̄ kōj eddōkļo̧k ilo jon̄an jab in. Kien eo an juon m̧ōttan jon̄oul eo ej juon iaan kien in kōppopo ko. Kien eo jej bwe jen leļo̧k n̄an Irooj juon m̧ōttan jon̄oul in aolepān wōrļo̧k ko ad. Ej juon jon̄ak eo epidodo me juon ajri emaron̄ meļeļe. Em̧ōj aō lo an ajri ro leļo̧k n̄an juon bisop juon nien juon m̧ōttan jōn̄oul me epād ilowaan juon m̧ōttan jōn̄oul jāān dekā ko raar būki.
Juon iaan kōjeram̧m̧an ko me rej itok jān kōllā juon m̧ōttan jon̄oul ej kaddōkļo̧k tōm̧ak n̄an juon mour in kien eutiej lo̧k. N̄an mour ilo celestial kingdom, jej aikuj mour kōn kien in kwojarjar. Ijo jej aikuj maron̄ en̄jake aolep men ko ippād im aolep men ko ad rej an Anij.
Ewōr jilu wāween ko me kōļļā m̧ool in juon m̧ōttan jōn̄oul ilo mour in ej kōpooj kōj n̄an en̄jake ta eo jej aikuji in en̄jake n̄an bōk menin letok an mour indeeo.
M̧oktata, n̄e jej kōllāik juon m̧ōttan jōn̄oul ko ad n̄an Kabun̄ in, Jemedwōj Ilan̄ ej lutōkleplep kōjeram̧m̧an ko iood. Jabdewōt ro ejejjet aer kōllā juon m̧ōttan jōn̄oul rejeļā bwe em̧ool. Kōjeram̧m̧an ko jet iien rej ilo jetōb im jet iien rej ilo kanniōk. Rej litok n̄an kōj ilo tōre eo an Irooj im ekkar n̄an ta eo Ejeļā em̧m̧antata n̄an kōj.
Ilo an kōjeram̧m̧an ko itok, tōmak eo ad ej eddōkļo̧k bwe Anij ej an men otemjej me em̧m̧an ilo mour ko ad. Epidodo n̄an loe bwe kwojarjar kile m̧ool eo kōn aolep kōm̧anm̧an ko rej An. Ekōm̧m̧an bwe jen en̄jake kam̧olol bwe E ej kajjitōk wōt 10 bōjjān in ta eo em̧ōj An kadedeļo̧k kar letok n̄an kōj. Kōn mein eļapļo̧k ad pojak n̄an mour kōn kien kwojarjar eo n̄e enaaj kajjitōk ippād.
Kein karuo, aolepād wōj ro ejejjet aer kar kōllā juon m̧ōttan jōn̄oul en̄jake eļaplo̧k leke ilo kajjitōk ippān Anij kōn ta eo jej aikuji im baam̧le ko ad. Ekar kaļļim̧ur kōn kōjeram̧m̧an ko rem̧ool ko reļļap ļo̧k ilo ad būki n̄e jej lukkuun tiljek n̄an būjen eo ad n̄an kōllāik juon m̧ōttan jōn̄oul ko ad (lale Malakai 3:10). Juon iaan kōjeram̧m̧an ko reļļap an juon m̧ōttan jōn̄oul in leke ilo ta eo enaaj waļo̧k ilju im jeklaj. Jekdoon jekjek rōt ko ad em̧aron̄ in, men ko renaaj mijal kōn em̧m̧an. Ilo ad dāpij kaļļimur ko ad, E enaaj barāinwōt dāpij An. Juon en̄jaake in aenōm̧m̧an ej juon iaan kōjeram̧m̧an ko reļļap an kōllā juon m̧ōttan jon̄oul. Ro rekar kejparok kien juon m̧ōttan jon̄oul remaron̄ in kam̧ool bwe kōjeram̧m̧an eo an aenōm̧m̧an ej m̧ool im aiboojoj.
Kajilu, ro rej kōļļā juon m̧ōttan jon̄oul rej en̄jake juon ļapļo̧k ilo aer iakwe Anij im aolep ajri ro nejin Anij. Ļapļo̧k in iakwe eo ej itok jān meļeļe ewi wāween an Jemed kōjerbal juon m̧ōttan jon̄oul ko jej leļo̧k n̄an kōjeram̧m̧an armej ro ilo laļ in im n̄an indeeo.
Kōn ro Rikarejeran kōmālim er, Ej kōjerbal juon m̧ōttan jon̄oul ko kōn kejparok eļap. Eo ej kōļļā juon m̧ōttan jōn̄oul ej jipan̄ Irooj ekkal tampeļ ko, ijōko baam̧le ko remaron̄ liāp n̄an indeeo. Eo ej kōļļā juon m̧ōttan jōn̄oul ej jipan̄ E jilkinļo̧k ko̧jpeļ eo n̄an armej jabdewōt jikin. Eo ej kōļļā juon m̧ōttan jōn̄oul ej jipan̄ E kōjoor rikwōle im rien̄taan ilo wāween eo an Make kōn ro rikarejeran. Im jabdewōt iaan rein rikarejeran remaron̄ jiron̄ eok ekōjkan an iakwe kar ļapļo̧k kōnke juon m̧ōttan jōn̄oul eo kar kōjerabale n̄an kōjeram̧m̧an armej. Im emaron̄ bar eo ej kōļļā juon m̧ōttan jon̄oul eo etiljek.
Iien etale juon m̧ōttan jon̄oul ļo̧kin iiō jejjo allōn̄ ko jān kiiō. Ij jar bwe kwe im baam̧le eo am̧ naaj kiiō jino karōk im kōppopo n̄an karbōb n̄an kōjeram̧m̧an ko me Anij ej lukōt leplep ioon aolep ro me remaron̄ kwaļo̧k n̄an E bwe rej rikōļļā juon m̧ōttan jōn̄oul ro ejejjet aer kōļļā.
© 2011 jen Intellectual Reserve, Inc. Aolep jim̧we rej pād ippān. Jeje ilo USA.Kōmālim ilo kajin English: 6/10. Kōmālim an Ukook: 6/10. Ukook eo an First Presidency Message; June 2011. Marshallese. 09766 874
Katakin jān Ennaan In
-
Jet iien wāween eo em̧m̧antata n̄an katakin ej pedped ej n̄an kwaļo̧k (lale Teacheing, No Greater Call [1999],164). Ļōmņak in kajjitōk ippān juon membōr in baam̧le eo n̄an kwaļo̧k ta juon m̧ōttan jon̄oul ej jutak kake. E emaron̄ kwaļok jen kōjepeļo̧k juon aitōm̧ jān juon kumi 10 aitōm̧ ko ie. N̄an kōjem̧ļo̧ke. Ļōmņak in kūr juon membōr in baam̧le eo n̄an kwaļo̧k ewi wāween kanne juon peba in juon m̧ōttan jon̄oul.
-
“Ro kwoj katakin naaj jeram̧m̧an jān an kajjojo bōk kuņaer” (Teaching, No Greater Call,63). Kūr membōr ro an baam̧le eo n̄an kwaļo̧k ta eo rej tōmak kōn meļeļe in naan eo an Būreejtōn Eyring “en̄jake ta eo jej aikuji n̄an en̄jake n̄an bōk menin letok eo an mour indeeo.” Lōmņak in ekōnono kōn jilu wāween ko me kōļļā juon m̧ōttan jōn̄oul ej kōpooj kōj n̄an en̄jake ta eo jej aikuj in n̄an en̄jake n̄an bōk kōjeram̧m̧an ko an Anij.