Jodikdik ro
Aolep men ko Imaron̄ Leļo̧k
Iaar en̄jake inepata kōn ewi wāween aō naaj kar kōļļāik men ko Iaar kōņaan kōm̧m̧ani ilo jōm̧aar eo: kūlaj ko, kweilo̧k in kaminene ko, kāām ko ilo jōm̧aar, im ko jet. Iaar ļōmņak Inaaj kar jan̄. Innām Iaar kememej aolep men ko kar katakin eō kōn wōt lōke im tōmak ilo Irooj. Iaar kālōt n̄an likūt wāween eo ilo pein Irooj im lōke bwe eļan̄n̄e eaar An kilaan, Enaaj kar letok juon iaļ.
Ejjab etto jān iien eo, jinō eaar lo juon jāāk kar jan̄in kāāje jān juon jerbal Iaar kōm̧m̧ane ilo iiō eo m̧okta ļo̧k, im raan eo tok juon, Iaar bōk juon wiin edik ilo m̧eeļ jān bōk nōm̧ba ruo ilo juon jiie. Menin eaar juon naan in kam̧ool eļap n̄an eō bwe Anij ej mour, bwe E ej iakwe im kea kōn eō im naaj kake n̄an eō.
Iaar lukkuun in obrak kōn kam̧oolol im iakwe n̄an Jema Ilan̄ im Rilo̧mo̧o̧r. Iaar en̄jake āinwōt eļan̄n̄e Iaar bōlen tōn bōkkoļo̧k! Iaar jan̄ in iuwaade n̄an kwaļo̧k ewi jon̄an aō kar kam̧oolol, n̄an nōbar Anij kōn ijo em̧m̧an tata Imaron̄ in kar, im n̄an kwaļo̧k en̄jake jab in. Ro jet raar kōm̧m̧ane menin ilo aer ekkōn al, jeje boem̧, ak jin̄a pija, bōtaab Iaar en̄jake likjab n̄an kōm̧m̧ane jabdewōt iaan men kein. Iaar kile juon wōt men Imaron̄ in kar leļo̧k juon nōbar ebwe enaaj kar mour eo aō—n̄an erom “juon jon̄ak an ro rej tōmak” (1 Timote 4:12), n̄an leļo̧k mour eo aō n̄an Kraist. Ej aolepen men eo Ej kajjitōk, im bwe ej aolep men eo Imaron̄ leļo̧k.