Serafo
Inach a Amanaua Kich
Nupwen ua wonu ieri, ngang me pwi we kukun aua katon pwim we watte nupwen a basket. Semei a feino, me aua finata pwe aua mochen fiti i ne niwin ngeni imwem, iwe aua sa mwirin fan pungun ewe ran. Nupwen ause tongeni kuna i, aua niwin ngeni ewe nenien basket pwe aupwe fiti inem ne niwin ngeni imwem we, nge nupwen aua tonong non ewe nenien basket, meinisin ekkewe aramas ra fen tou.
Ua chechemeni aua nom fan ewe asam,am me pwi we aua achocho am aupwe monuno seni ewe pungun ran, aua iotek pwe emon epwe feito. Mwirin ua chechemeni pwe ua rongorong asamen wam we a kesipeno, me aua sa ngeni ia aua rongorong me ian. Mwirin a fis eu mettoch ua fakkun chechemeni seni ne kukuni: inem we a turufi kem non poun “ussun chok emon inenapen chuko a kan ion fengeni etenin kewe fan poun” (3 Nifai 10:4). Inem we a amanaua kem, me use mo mefi kinamwe mi watte seni met ua mefi non ena atun.
Nupwen ua ekieki usun an anisiei, ua kuna pwe manauen inei we a emweniei ngeni ewe Chon Amanau me a pwar ngeniei met wewen ach sipwe ekieta ekkewe mokur mi pworutiw, me apochokunata pechen ekkewe mi apwangapwang (D&C 81:5). I a anongonong won Jises Kraist, ewe a ngeni i pochokun “nap seni pwisin an pochokun” (“Lord, I Would Follow Thee,” Hymns, no. 220).