2011
Eu Mwichen Fefin mi Pin
August 2011

Poraus fan iten Fefin Chon Amwa AUGUST 2011

Eu Mwichen Fefin mi Pin

Kopwe anneani ekkei mettoch, me nupwen mi och, kopwe aporausa ren ekkewe fefin ka churi. Kopwe aea ekkewe kapas eis epwe anisuk ne apochokuna ekkewe fefin ka churi me pwan aochu manauom ren aean Fin Anisi.

Nuku • Famini • Ngasano

Eliza R. Snow, oruan presetenin ewe Fin Anisi unus, a aiti: “Paul ewe Apostel seni nom a kapas usun fefin mi pin. Ina wisach meinisin pwe sipwe emon fefin mi pin. Epwe wor ach achocho ngeni mettoch mi napanap, ika kich fefin mi pin. Sipwe mefi pwe sia angei kokko pwe sipwe fӧri ekkei wis mi auchea. Ese wor emon mi tongeni su seni ekkei wis. Ese wor emon fefin mi akaemon chok, me mi chokukun chienan nge a tongeni fӧri chommong mettoch epwe anisi ne fӧrata ewe Muun Kot non ewe fonufan”1

Pwi kewe, kich sise akaemon chok pwan chinach rese chokukun. Ren ach etiwa ewe nifang ne fiti ewe mwichen Fin Anisi , sia winiti emon chochon met ewe Soufos Joseph a awewei usun eu mwich “mi touau seni ekkewe mettoch mi ngau non fonufan—auchea, nimenimoch, me pin.”2

Ei mwich a anisikich ne apochokunata ach nuku me mamarita non pekin ngun ren an ngenikich emwen, angang ngeni ekkoch, me tufichin aiti ekkoch. Non ach angang ngeni ekkoch a awora pwan eu aninis ngeni manauach. Sia mamarita non pekin ngun, me ach mefi pwe aramas mi etiwa kich, nonomuch, me pwisin niwinin a watteno. Sia weweiti pwe popun ewe kokkoten ewe kapas allim ne awora ngenikich ewe tufich ne tori unusan ukukun ach tongeni.

Fin Anisi a anisikich ne angei ekkewe feiochun ewe tempel, ne sufoniti ekkewe pwon mi pin sia fӧri, me aninis non ewe angangen Zion. Fin Anisi a anisikich ne awatteno ach nuku me pwisin wenechar, apochokunata ach kewe famini, me kutta me anisi ekkewe mi osupwang.

Ewe angangen Fin Anisi mi pin, me ren ach fӧri angang mi pin mi anisikich pwe sipwe pin.

Silvia H. Allred, aewin chon aninis non ewe mwichen Fin Anisi presetensi.

Seni ekkewe Pukfel

Exodus 19:5; Konupin 24:3–4; 1 Thessalonians 4:7; Titus 2:3–4; Doctrine and Covenants 38:24; 46:33; 82:14; 87:8; Moses 7:18

Seni Ach Uruo

Non an kapas ngeni ekkewe Fefinin ewe Fin Anisi seni Nauvoo, ewe Soufos Joseph a kapas usun auchean pin, a awewe pwe nupwen fefin ra nimenimoch me pin, ra fokkun tongeni anapano ewe fonufan. A awewei: “Tipetekison, tong, nimenimoch—ekkei ekkewe mettoch repwe apochokuna kemi. … Ei Mwich … epwe tufichin emweni ekkewe kiwin mi nom unukur. … Ekkewe king me kiwinen fonufan repwe feito ngeni Zion, me pwӓratӓ ar sufon.” Ekkewe Fin Anisi mi aponueta ar kewe pwon mi pin ir mi sufon seni ekkewe mi napanap, me pwan “ika ka tori unusan tufichum,” Joseph a pwon ngeni ekkewe fefin, “ekkewe chon nang repwe nonom remi.”3

Nupwen ekkewe fefin ra aninis non ewe angangen angang faniten ekkoch me amanaua ekkoch ra pwisin epinipin. Lucy Mack Smith, inen ewe Soufos, a pwӓratӓ usun ekkewe mettoch mi murino ewe mwichen Fin Anisi a tongeni fӧri: “Mi namwot pwe sipwe aucheani emon me emon kich, tumunu emon me emon kich, echipa emon me emon kich me angei mirit, pwe kich meinisin sipwe tongeni momot fengen non nang.”4

© 2011 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/10. Kapungunon chiakun: 6/10. Chiakun Visiting Teaching Message, August 2011. Chuukese. 09768 901

Esinesin

  1. Eliza R. Snow, “An Address,” Woman’s Exponent, Sept. 15, 1873, 62.

  2. Joseph Smith, non History of the Church, 4:570.

  3. Joseph Smith, non History of the Church, 4:605, 606.

  4. Lucy Mack Smith, non Fin Anisi, Minute Book Mar. 1842–Mar. 1844, a mak non Mar. 24, 1842, Church History Library, 18–19.

Met Ua Tongeni Föri?

  1. Ifa usun ua anisi ekkewe fefin ua tumunu ne fӧri me tori “mettoch mi napanap”?

  2. Met ua fӧri pwe manauei epwe “auchea, nimenimoch, me pin”?

Printini