Roronrikirake
Tamaroa, Tamaroa riki, Te kabanea n Tamaroa
Inanon ana taetae n te maungatabu ni kabuta n Okitobwa 2007, Unimwaane Dallin{nb H. Oaks man te Kooram n Abotoro are Tengaun ma Uoman e taetae iaon mwakuri ni kakukurei aika “tamaroa, tamaroa riki, ao te kabanea n tamaroa.” Ngke e a taetae n te mwakoro are ibukin “katabeaia ataei n te aro ae e nangi ni bati,” I namakina te karawawataaki ao te kaairua inanon au kaintekateka.
I ataia bwa I karaoa ae e rangi ni mwaiti. I bon mena inanon kaotioti n tain te reirei, n irii kiraati aika kakaewenako inanon te reirei, ao n irii mwakuri ni kakukurei aika bati ake tabeua. I tuai man iriiri aia mwakuri ni kakukurei Kairake n Ataeinaine n te aro ni kakaonimaki, ao au Tabati a onrake ma te korakai n te iango ni kataia ni katiai au homework n te kabanea ni miniti. Te kataneiai n te katangitang ao n rinanon ana nutibeebwa te reirei a tia ni bua aroia ni kangare ao a tia n riki bwa te mwakuri.
Ana taetae Unimwaane Oaks e karikai bwa N na taraa raoi aron karaoan tabeu. Au waaki a bane n tamaroa, ma a bon rangi ni mwaiti. I atia n rinei kabanea n tamaroa. Ngkai I kataia n iangoia bwa mwakuri ni kakukurei raa aika N na mwaninga taekaia, I ataia bwa ana euangkerio Iesu Kristo te kabanea ni moanibwai ae temanna e riai ni karekea. I katuka te tataro ao kamatebwaian booki aika tabu n taian kabanea ma ieta n au riti, ao man te tai anne, maiu e atia ni buti raoi.
Unimwaane Oaks e reireinai bwa ngkana ti karaoa te bwai are e tangiria te Uea bwa ti na karaoia n te moan, ni kabane bwaai a na bane n roko raoi n aroia. Ngkana I kamatebwai booki aika tabu imwaain ae I takakaro ke imwaain ae I karaoa au bwai-n-reirei n te mweenga, ni kabane bwaai aika kakaawaki a na bon bane n tia. Ngkana I kabotoa maiu iroun te Uea, n onea mwiin are kairakinakoai bwa te mwi ni iango, maiu e na tia ni karekea te raka n te rau ao te tokanikai.
Ngkai I a rangi n tauraoi n ongora nakon reirei ake a taekinaki n te maungatabu ni kabuta!
A korotamneiaki iroun Paul Mann