Te Rongorongo ibukin te Reirei ni Kaakawari TEBETEMBWA 2011

Kakorakoraakin te Utu man Karikirakean te Maiu n Tamnei

Kamatebwaia te karaki aio ao, n ae e angaraoi, maroroakinna ma tenaan tiitita ake ko kawariia. Kabonganai titiraki bwa e aonga ni buokiko ni kakorakoraia am tiitita ao ni karaoa te Bootaki n Aine bwa iteran maium ae kakammwakuri.

Onimaki • Utu • Buokaki

Julie B. Beck, te beretitenti ni kabuta n te Bootaki n Aine, e taku: “E a tia n rikirake inanou te kakoaua ae rangi ni bati ibukin kakawaakiia natin te Atua aika aine. … I a tia n namakinna bwa e a tia n akea te tai ibukin kainnanoaia ae rangi ni bati ibukin te onimaki ao tamaroaia ibon irouia ae rikirake. Bon akea ngkoa kainnanoan te utu ao te mweenga ae rangi ni kainnanoaki.”

Tenaan titita a kona n ibuobuoki ni karika te mweenga ao te utu ae korakora ngkai a mwakuri iaon kaotioti aika onoti. “Te konabwai n tau ibukin, ni karekea, ao ni mwakuri iaon kaotioti aika onoti bon teuana te kabanea ni kakawaaki ni konabwai ae e kona n reke inanon te maiu aei,” Titita Beck e reitia. “Anuam ibukin Tamnein te Uea e moanaki ma te tangira ibukin te Tamnei anne ao e tangira anuam ae bon tau. Kawakinan tuua, te rairannano, ao kabouan berita aika tabu ake a karaoaki n tain te bwabetito e kairiko nakon te kakabwaia ni karekea n taainako Tamnein te Uea irouraa. Karaoan ao kaawakinan berita aika tabu man te tembora e ikota naba korakoran te tamnei ao te korakora nakon maiun te aine. Kaeka aika bati nakon titiraki aika matoatoa a kuneaki man warekan booki aika tabu ibukina bwa booki aika tabu bon buokan te kaotioti. … Te tataro ni katoa bong e bon kakaawaki ni karekean Tamnein te Uea iroura.”¹

Ti kakorakoraa naba tamneia kaain ara utu ngkai ti buokiia bwa a na ataa ana babaire are akea tokina Tamara are i Karawa. “Tera ae ti na kona ni karaoia ni katauraoia raoi natira n te maiu n tamnei ibukin tabeia are akea tokina?” Unimwaane M.–Russell Ballard man te Kooram n Abotoro n teTengaun ma Uoman“Tao teuana te kaeka ae te kabanea ni kakaawaki bon: Reireiniia bwa a na kangaa ni maiuakina ana reirei te euangkerio.” Te anga reirei aio e roko rinanon te tataro ni katoabong, kamatebwaian booki aika tabu, ao ana tai n amarake te utu n ikotaki naba ma te kainutu n te tairiki ni katoa wiiki ao iirakin te taromauri. Unimwaane Ballard e kamaataataa: “Ti katauraoi ni katoa bong, man te tai aei, ibukin te maiu ae akea tokina. Ngkana ti aki katauraoi ibukin te maiu are akea tokina, ti katauraoira ibukin te bwai teuana ae e uarereke, tao te bwai teuana ae e rangi ni uarereke.”²

Man Booki Aika A Tabu

Taeka n Rabakau 22:6; 1 Ioane 3:22; Doctrine ao Covenants 11:13–14; 19:38; 68:25

Man Ara Rongorongo ni Kawai

Te Burabeti Iotebwa Timiti e reireiniia tenaan titita inanon ana boowi te Bootaki n Aine n Eberi 1842 bwa iai tabeia ae rangi ni kakaawaki nakon oin kamaiuaia. E taku, “Imwiin [au] kaetieti, kam na bukinaki ibukin oin ami bure; bon te karineaki ae tangiraki bwa kam riai n nakonako imwaain Tamara are i karawa bwa ko aonga ni kamaiuko i bon iroum; ti bon katabeaki ni kabane nakon te Atua ibukin arora ni katamaroa te oota ao te wanawana are ti anganaki iroun ara Uea bwa ti aonga ni kona ni bon kamaiura i bon iroura.”³ E reireiniia bwa a na riki n tamaroa n tatabemanii nako, n riki bwa aomata aika a tabu, ao ni katauraoaia ibukin otenanti ao berita aika tabu n te tembora.

©–2011 iroun Intellectual Reserve, Inc.A bane n tauaki mwiin taian kariaia ibukin katootongana. Boretiaki n te USA. Kariaiakaki n te Ingiriti: 6/10. Kariaiakaki rairana: 6/10. Rairakin te Visiting Teaching Message, September 2011. Kiribati. 09769 859

Tera ae I Kona ni Karaoia?

N na kangaa ni buokiia au titita ni karikirakeia inanon te toronibwai n te maiu n tamnei?
N na kangaa ni katamaroa oin au konabwai ni kinaa ao ni kaeka nakon te Tamnei ae Raoiroi?

Kamataataki n te korobanna iroun Welden C. Andersen