2011
Ahkkweye Sucu uh in Ahkyohkye Ip luhn Nguhn
September 2011

Pweng ke Forfor Luti SEPTEMpuh 2011

Ahkkweye Sucu uh in Ahkyohkye Ip luhn Nguhn

Lutlutkihn kuhfa inge, ac ke pacl fal, sramsramkihn yurin tahmtahel ma kom muhtwacta nuh yohroh an. Orekmakihn kihsen siyuck an in kahsrwe kom ahkkweye tahmtahel wiyom an ac in orwaclah ip fokoko se ke U in Kahsruh luhn Muhtwacn ke moul lom sifacna an.

Luhlahlfongi • Sucu • Kahsruh

Julie B. Beck, prestuhnsi luhlahp ke U luhn Muhtwacn in Kahsruh, el fahk: “Kapkapwack in nga sie puhla yohk ke fahkwack luhlahlfongi ke sekoiyacn tuhlihk muhtwacn nuhtin God uh. … Nga puhla lah soenna oasr sie enenuh yohk in ahkyohkye luhlahlfongi ac suwohswohs luhn kais sie. Soenna oasr sie enenuh yohk luhn sucu ac lohm fokoko uh.”

Tahmtahel uh kuh in kahsruh orwaclah lohm ac sucu fokoko uh ke elos ac oruh ke fwackyuck luhn kais sie uh. “Kuh in fal nuh kac, eis, ac oruh ke fwackyuck luhn kais sie uh pa etuh orekma yohk srihpac se emet ma kuh in eisyuck ke moul se inge uh,” Tahmtahel Beck el tahfwelah. “Fal nuh ke Nguhn luhn Leum uh muhtwacwacack ke sie luhngse nuh ke Nguhn sacn ac oruh nuh ke kain luhpah ke nwacsnwacs. Karihngihn masap uh, auliyak, ac ahksasucye olwelwah ma oreklac ke pacptais uh kohllah nuh ke mwe insewowo ke in eis Nguhn luhn Leum nuh sesr in pacl nuh kwewa. Oruh ac karihngihn olwelah luhn tempuhl uh weacng pac kuh ac fokoko ke ip luhn nguhn nuh ke moul luhn muhtwacn uh. Top pucspucs ke kuhsen siyuck upac uh sukokyak ke ritiyacn ma suhmuhslah uh ke srihpen ma suhmuhslah uh pa mwe kahsruh se nuh ke fwackyuck uh. … Pruhe ke lwen nuh kwewa pa yohk srihpac in oasr Nguhn luhn Leum yohrohsr.”1

Kuht oacyacpac ahkkweye ip luhn nguhn luhn mwet ke sucu lasr ke kuht kahsrwelos in etuh ke plwacn ma pahtpaht luhn Pahpah Lucng uh. “Meac kuht kuh in oruh in ahkolah wo tuhlihk nahtuhsr uh ke ip luhn nguhn nuh ke kunohkohn lalos ma pahtpaht uh?” Elder M. Russell Ballard ke U luhn Mwet Sap Singucul Luo el siyuck. “Sahp top se ma wo emet uh pa: Lotweltahl ohiyacn moulkihn ip yohk ke wosasuc uh.” Mwe luti se inge tuhkuh ke pruhe, lutlutkihn ma suhmuhslah, ac pacl in mongo luhn sucu oacyacpac ekuh luhn sucu ke wik nuh kwewa ac wi Alu uh. Elder Ballard el ahkuhtweyac: “Kuht ahkolah ke kais sie lwen, ingena, nuh ke moul nwe tok ma pahtpaht. Kuht fin tiac ahkolah nuh ke moul nwe tok ma pahtpaht, kuht ahkolah nuh ke sie ma srihsrihk, sahp sie ma srihk liki nuh kwewa.”2

Ke Ma Suhmuhslah uh

Soakas 22:6; 1 Jon 3:22; Doctrine and Covenants 11:13–14; 19:38; 68:25

Ke Ma Mahtuh Lasr

Mwet Pahluh Joseph Smith el luti tahmtahel uh ke miting luhn U luhn Muhtwacn in Kahsruh ke Eprel 1842 lah oasr orekma muhtahl lalos in suk ke molwelah lalos sifacna. El fahk, “Tukun ahkuhtweyac [luhk] uh, ma kunom pa ma koluk lom uh; kena yohk se pa inge tuh kom enenuh na pwacye in fahsr nuh yurin Pahpah tuhmasr Inkuhsrao ke kom ac moli kowoslac sifacna; ma kunacsr nuh kwewa nuh sin God ke ohiyac uh kuh ahkyohkye kahlwem ac etuh utuckuh sin Leum lasr in oruh kuht in kuh in pain moli kuhtlac sifacna.”3 El lotwelos in ahksuwohswohsye kais sie, in orwaclah sie mwet muhtahl, ac ahkolah nuh ke akwuck ac olwelah luhn tempuhl uh.

© 2011 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/10. Ahkkweyeyucklac ke lweng: 6/10. Lwenglah luhn Visiting Teaching Message, September 2011 Kosraean. 09769 868

Mwe kahsruh

  1. Julie B. Beck, “And upon the Handmaids in Those Days Will I Pour Out My Spirit,” Liahona, Mei 2010, 10, 11.

  2. M. Russell Ballard, “Spiritual Development,” Ensign, Nohfohmpuh 1978, 65, 66.

  3. Teachings of Presidents of the Church: Joseph Smith (2007), 355

Meac Nga Kuh In Oruh ?

  1. Ngwac kahsruh fuhkah tahmtahel wiyuck uh in ahkyohkye ip luhn nguhn ke kuh in sifacna uh?

  2. Ngwac kuh in ahkwoye kuhiyuck fuhkah in akihlen ac topuk ke Nguhn Muhtahl?

Orekalc luhn petsac uh sel Welden C. Andersen