Mulwol ni Ngan Fil ni Ngan Nang, October 2011
Fa’an ra dabda Maerwaer Gad
Julie B. Beck, president ko Ulung ko Bpin ko galasia.
Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Ulung ko ppin ko Galasia ni bang ko yafos rom.
Mich • Tabinaew • Ayuw
U lane fare Babyor ku Mormon kad bi’eg ned ea fapi pagal nib fel yanger ran rad, ni yad ba gel ma mu’th ea tafiney rorad. “Arragon, yaed bogi pagael nib yul’yul’ ma rogo e rogon, ya kan fil ngoraed ni ngar koeled falan e pi motochiyel ku Got ma nga ranoed ni yaed ba yul’yul’ u p’oewchen” (Alma 53:21). Pi pagal ney nib yulyul ea kar ted fan ea chitinginrad—niyad e pi pow nge sensey rorad.
Pi chitinngin ea salthaw ku Helaman ea riba thil ea par rorad ngodad. Par rorad ea bagel ea momaw’ nga tamdag riy, kani piningrad ni ngar yororiyed ea paer nib puf’ rogon ko dowef nge ya’al. Daba’ e gadad be paer u lane faileng ni “gathi gadad be cham ngak e girdi’, ya gadad be cham ngak gelngin e kan nib kireb, ni pi kan ni yad e yad be gagiyeg, nge gelngin e kan u lanelang ko ngiyal’ney nib talumor” (Efesus 6:12).
Ngiyal ko gafgow e yima yor nag fapi gilabthir nge pow nima fil e tin riyul’ ni manang fapi salthaw ku Helaman: “Fa’anra mich wun’ rad ngak Got ma ra ayweg rad” (Alma 56:47). Pi machib ney nge rogon niybe dag e tineye riyul’ ea ba tu’uf ni ngan motoyil ngay. Machane, dabda rus gad. Ni napan ni gad ra nang gadad nge mini’ Got mi gad faleg boch e michmich Ngak,—mi gad boed boch fapi chitinngin fapi salthaw—nib mangil.
Pi 2,060 e salthow ku Helamanea ra motoyil gad ko nina’ rorad. Ma pi nina’ ney ea dan’ra mithmith gad ni yigo yad. U ta’abang ko boch ea pum’on nge pin ni yulyul’, pi nina’ ney ea sana rted’ ea mich rorad u ta’abang miyed fil morngagaen gilngin ea murwel ko michmich rok Got. Pi bitir ko tiney ea ran ea kar ngangfaned ea michmich ni falag e pi labthir rorad ni badni un’ ko mael. Dariy fan nikar lamniged ni dabiyog, ya Chitamangdad nu Tharmiy ea kea bing ea kanowo’ ko galabthir ni ngar chariy’ed ea pi michmich rorad—miyad cha’riy e paer nib puf’rog rorad (muguy Alma 56:5–9). Thingar da chariyed ea pi michmich rodad nifan fan ko bitir nge fal yangren—gubul nge langlath u lane, wards, branches, buguliyror rodad nge boch ea girdi’ u lane binaw rodad—ngi ngar nangfaned miyad tay’fan e yul’yul’ ko pi michmich nikar.
Napan ni gad ra tay fan ea michmich rodad ngak Got, ir ea ra bing ea kanowo’ ngodad. Ngad yul’yul’ ko michmich rodad nib felrogon. Rayog ni ngad maybil gad, bi’eg ned ea bible, dared nga temple, chuw ko mad nib mangil, migad tayfan ea Madnom. Napan ni gad ra rrin, ma faak dad ea yadra nang marayog ngar yogned, “Dar maerwaer u wun’maed ni pi chitiningmaed e yaed manang” (Alma 56:48).
Pbi’in bpin ko Tin Tomur e Rran ni yad ra poy nibe yib gelngin rad ko Tabiyul’ rok Somoel ea dabra gafgow gad u napan ea magagowan. Gad ea tin nima yul’yul’ ko pi michmich, ea gadad ba gel’i cha’riy, chathowliy, nge yororiy ea bitir nge fal’yangren nga yog ni boran magdad yog ni, “Dariy bingyal’ ni kug guy e m’uthaen’ ni aray rogon, dariy, dawori buch u fithik’ gubin” (Alma 56:45).
Ko fapi Chep nib Thothup
© 2011 ko Intellectual Reserve, Inc. Gubin ni mat’won ma bay. Nni yoloey u Meriken. Kan micheg ko thin nu Ngalis: 6/10. Micheg nag i pilyeg: 6/10. Pilyeg ko Visiting Teaching Message, October 2011. Yapese. 09770 905
Mange Rayog Nggu Rin?
-
Urgon ni ngu ayweg ea walageg ni ppin ni nge rin ea tin nib mangil ni fan ko bin magid ea gil’ilungun nibe ilal?
-
Mang fnow ea gura pat ngay u lan Fare Babyor ku Mormon ni ra ayweg neg e daba’?