iTabagone
Yaloqaqa ka Vorata na Cava
Ena ikarua ni bogi ni nodra keba na Goneyalewa ni neitou iteki, a tau mai na uca kaukauwa vakaitamera kei na covulaca. Era lewe 24 na goneyalewa vata kei na rua na iliuliu ni neitou tabanalevu era keba tiko, ka keimami qai curuma vata kece e dua na valekau lailai me baleta na veitaqomaki. Sa taubi vakaukauwa na uca, ka ca vakalevu sara na cagi. Au tomana tiko ga na kena vakalesui lesu tiko mai vei au na nona masu taumada ni veitaqomaki na neitou peresitedi ni iteki. Keitou masu tale ga ena neitou masumasu vakaiwasewase ni neitou tabana ena neitou valekau lailai, kau masu tale ga ena noqu masu vakai au.
Era sa rere e lewe vuqa na goneyalewa, ka rawarawa ni laurai na vuna. E sega ni tara vakaukauwa na neitou vale lalai, ka voleka sara ga ena bati ni dua na uciwai. Ni rauta e 20 miniti sa ca vakalevu sara na cava ka ra sa cici na lewe ni iteki taucoko mai na nodra vale lalai ni tabanalevu ki na nodra vale lalai na daunivakasala, ka ra bau toka e delana. A cabora tale e dua na masu na noqu peresitedi ni iteki, ka keimami laga serenilotu, nodra sere na Lalai, kei na sere ni keba ena kena sagai me keimami yalovakacegu. Io, keimami sa rere, ia keimami vakila ni na yaco me vinaka na veika kece. Ni oti e veimama na auwa sa daumaka tale ka keimaimi sa dui lesu tale ki na neimami dui vale lalai ni tabanalevu.
Keimami qai kila e muri na ka a yaco ki na covulaca ena bogi o ya. A tawase rua na cava. E dua vei rau e wavokiti keimami ki na imatau kei na kena ikarua ki na imawi. Na ka keimami sotava e sega sara ni ca vakalevu!
Au kila ni bogi o ya na Kalou e rogoca na neimami masumasu ka taqomaki keimami o Koya mai na veivakacacani ni cava. Na cava na vuna e tawase kina e dua na covulaca vakavo ke gadreva na Kalou me vaka kina? Au kila ni gauna ni cava ni bula, e rawa ni da masumasu e veigauna kivua na Tamada Vakalomalagi ena rogoca ka sauma vei keda o Koya, solia vei keda na yaloqaqa kei na veitaqomaki eda gadreva me da taqomaki tu kina.