2012
Pran swen ak administre pa mwayen vizit nan fwaye
janvye 2012

Mesaj vizit nan fwaye, Janvye 2012

Pran swen ak administre pa mwayen vizit nan fwaye

Etidye materyèl sa a epi, si sa apwopriye, diskite li avèk sè w ap vizite yo. Itilize kesyon yo pou ede ou fòtifye sè w ap vizite yo ak pou fè Sosyete Sekou vin yon pati aktif nan pwòp lavi pa ou.

Lafwa • Fanmi • Sekou

President Henry B. Eyring, Premye Konseye nan Premye Prezidans lan, te anseye: “Charite [vle di] plis pase yon santiman byenveyans.” ”Charite soti nan lafwa nan Senyè Jezikzi e li se yon efè Ekspyasyon li a.”1 Pou sè Sosyete Sekou yo, vizit nan fwaye kapab se charite an aksyon, yon mwayen enpòtan pou egzèse lafwa nou nan Sovè a.

Pa mwayen vizit nan fwaye, nou bay swen nan kontakte chak sè, pou pataje yon mesaj levanjil, ak chèche konnen bezwen li ak bezwen fanmi li. Julie B. Beck, Prezidant Jeneral Sosyete Sekou, eksplike: “Vizit nan fwaye vin tounen travay Senyè a lè nou konsantre nou sou moun yo olye de pousantaj yo.” ”An reyalite, vizit nan fwaye pa janm fini. Li se plis yon fason nou viv pase yon tach. Sèvi fidèlman kòm enstriktris nan fwaye se prèv ke nou se disip.”2

Si nou bay swen konstan nan espri lapriyè, n ap aprann kijan nou ka pi byen administre ak reponn ak bezwen chak sè ak fanmi li. Administre kapab vini sou plizyè fòm — kèk gwo e kèk ki pa si gwo. Prezidan Thomas S. Monson te anseye: “Souvan, ti senp zak sèvis se tout sa ki bezwen pou edifye ak beni yon lòt moun. Yon kesyon sou fanmi yon moun, brèf pawòl ankourajman, yon konpliman sensè, yon ti mo remèsiman, yon brèf apèl telefòn.” ”Si nou obsèvatè ak sansib, e si nou suiv enspirasyon nou resevwa yo, nou kapab fè anpil byen. … Anpil anpil zak sèvis akonpli pa gwo lame enstriktris nan fwaye Sosyete Sekou yo.”3

Apati ekriti yo

Jan 13:15, 34–35; 21:15; Mozya 2:17; Doktrin ak Alyans 81:5; Moyiz 1:39

Apati istwa nou

An 1843, manm Legliz nan Novou yo nan Ilinwa te divize an kat pawas. An Jiyè menm ane a, dirijant Sosyete Sekou yo te aple yon komite pou vizit konpoze pa kat sè pou chak pawas. Responsablite komite yo te gen ladan yo evalyasyon bezwen yo ak ranmase don. Sosyete Sekou te itilize don sa yo pou okipe moun ki te nan bezwen yo.4

Menmsi enstriktris nan fwaye yo pa mache ranmase don ankò, yo toujou gen responsablite pou evalye bezwen — espirityèl ak tanporèl — ak pou travay pou satisfè bezwen sa yo. Eliza R. Snow (1804–87), dezyèm prezidant jeneral Sosyete Sekou, te eksplike: “Yon enstriktris … ta dwe sitèlman gen Lespri Senyè a avèk li, ke lè l ap antre nan yon kay li ta dwe santi lespri ki andedan kay la. … Priye Bondye e mande Sentespri a pou nou kapab gen [Lespri a] a pou nou kapab rekonèt lespri ki andedan kay sa a … e nou kapab santi pou nou pale pawòl lapè ak rekonfò, e si nou wè yon sè ki santi l frèt, pran l nan kè nou jan nou t ap pran yon timoun piti sou kè nou pou rechofe [li].”5

© 2012 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/11. Apwobasyon tradiksyon: 6/11. Tradiksyon Visiting Teaching Message, January 2012. Haitian Creole. 10361 036

Nòt

  1. Henry B. Eyring, “The Enduring Legacy of Relief Society,” Liahona, Nov. 2009, 121.

  2. Julie B. Beck, “Relief Society: A Sacred Work,” Liahona, Nov. 2009, 114.

  3. Thomas S. Monson, “Three Goals to Guide You,” Liahona, Nov. 2007, 120–21.

  4. Gade Daughters in My Kingdom: The History and Work of Relief Society (2011), 105.

  5. Eliza R. Snow, nan Daughters in My Kingdom, 108.

Kisa m ka fè?

  1. Kisa m ap fè pou ede sè m yo santi ke mwen se yon zanmi ki renmen yo e ki sousye pou yo?

  2. Kijan m ka pi byen veye sou lòt moun ak pran swen yo?