Serafo
Ai Ioteken Nuku
Nupwen ua 18 ieri, ua angang non eu sitowa me ngang emon chon amomo. Ai kunoken angang mi weires. Ua angang seni kunok 8 nesosor ngeni kunok 10 nepwin, Serifan tori Ammon. Ua netipengau pun use tongeni fiti institute me ekkewe mwokutokuten Mwichefen.
Ua poputa ne iotek ngeni Semach won Nang ren nuku ne tingorei an epwe anisiei ne kuna och sokkun angang ese anamwota ai upwe angang won Ammon pwe upwe tongeni fiti institute me pwan ekkewe mwich.
Fan eu ran non ai angang ua anisi emon mwan. Aua poputa ne fos, me a kapas pwe i mi angang non eu watte bank. Ua eisini ifa usun ngang mi tongeni angei angang non ena nenien angang. I a ngeniei itan we me numpan an we fonn me i a ereniei pwe upwe tongeni kokori ewe chon kutta chon angang me ereni ewe chon kutta pwe ua sinei i. Ua feino ngeni ewe bank me ua fori ekkewe tes mi namwot. Ua angoch iwe ua poputa ne angang wonu awa iteiten ran seni Serifan ngeni Enimu, a watteno ai niwinin nap seni met ua angei me nom.
Ua sinei pwe ewe Samon mi emwenikich nupwen sia mochen pwe sipwe fori met I mi mochen akkom. I mi chuen emweniei ikenai. Ua sinei pwe iotek mi ennet.