Fal’ Yangaren
Meybil Rog ko Mich
Napan ni ragag nge meruk e duw rog, ma guma murwel u lane kantin ni guma pi’ ban’en ni chuway’. Rogon e murwel rog e rib momaw’. Guma murwel ko meruk e clok ni kadbul nge mada’ ko ragag e clok ni balayal’, Monday nge mada’ ko Sabado. Kug kirebaen’ ni bachane dar yog ni nggu un ko institute nge boech e gosgos u Galasia.
Mug tabab ko meybil ngak Chitamangdad nu Tharmiy nib gel e mich rog mug ning e ayuw Rok ninge ayuweg neg nggu pir’eg e muruwel ni de t’uf nggu muruw ko Sabado ni nge yog nggu waen ko institute nge ku boech e gosgos.
Reb e rran ko muruwel rog ni gube ayuweg ba pumo’on. Mu gomow tabab ko sabathin, me yog ni ke muruwel ko reb e bank nib ga’. Mug fith ko uragon ni rayog ni nggu gay e muruwel nem u bang. Ke pi’ fithingan nge numba ko telefon rok ngog me yog ni rayog ni nggu col nag bee’ mu gog ni gumnang ir. Kug waen ko fare bank mug fek e pi sikeng nib t’uf. Ku pas nag mug tabab ko muruwel ni nel’ awa ko Monday nge mada’ ko Friday, ma ba tolang pulwog ko kafram.
Gumanang ni Somoel e ma powiy’idad napan ni gadad gadad ra tay ni Ir e somm’on. Ke powi’iyeg e di’ir. Gu manang nib riyul’ re kenggin e yalen ko meybil.