Mulwol ko Bin Somm’on e Presidency, February 2012
Chilenrad ni ngar Meybil gad
Napan ni gub bitir, ma galabthir rog e kar meybil gow mar filew ngog ragon ni nggu meybil. Ku tabab ko n’en ni gube lemnag ni Chitamag nu Tharmiy ni rib palog nga orel. Napan ni gu pil’al, ma rogog ko meybil e ke thil. N’en ni gu lemnag e ke mang e Chitamangiy nu Tharmiy nrib chuchgur, ni bay e tamilang nrib gel rok, ma ir e manangeg nib fel’ rogon.
Binem nike thil e ke yib napan ni yag e mich rog ni n’en ni ke buch ngak Joseph Smith ko 1820 u Manchester, New York, e ba riyul’:
“Mugguy bangi tamilang ni ri bay u daken lolgeg ngalang, nib gel ra’en ko yal’, ni yib nge bi aw nga dakenag.
De’ n’uw napan ni ke yibi aw nga dakaenag ni kug piri’eg nike chuw fare to’ogor nike m’ageg nigeg. Nap’an ni yibi tal farengi tamilang nga dakenag mug guy L’agruw Ni’, nibe gal rama’enrow ma dariy thibngirow u ban’en, yow be sak’iy ngalang rog u daken e nifeng. Me non bagyow ngog, nike yip’ pa’ ngak bagyow, — Ireray Fakag nib T’uf rog. Mu motoyil ngak!” (Joseph Smith—History 1:16–17).
Chitamangdad nu Tharmiy e bay u fithik e gak’iy ko re rran nem nib fel’ ya’an. Ke pinning fithingan Joseph. Me dag ngak re Tathapeg ko fayleng nike fas ko yam’ me tunguy “Fak nib T’uf” rok. Demturug e ngiyal’ fa gin ni gabay riy ni gara meybil, ma mich rom ni riyul’ ko fare n’en ni ke buch ngak e rayog ni nge fal’eg watham.
Fare Chitamangiy ni gadad ma meybil ngak e Got ni gubinfen ni ke sunmeg pi fayleng Rok Fak nib T’uf Rok. Ma rung’ag e meybil rodad ni boed rogon ni ke rung’ag e meybil—rok Joseph Smith nib tamilang ni ran ga’ar e kan pi’ u powchan. Gadad ba tu’uf Rok nib alamrin nike pii’ Fak nib Tathpeg rodad. Udakaen e re tawa’ath nem ma ke n’anggin ke yag ngodad e dowef ni manemus nge yafos ni manechubog. Ma ke pii’ ngodad, udakaen e meybil rodad u fithingan Fak, ba tawa’ath ni ngad non gad Ngak u lane biney e yafas ko ngiyal’ ni gadad ba’adag.
Picha’ nibe koel fare priesthood ko Fare Galasia ku Yesus Kristus ni fan ko Gidii’en Got ko Tin Tomur e Rran e kan duwgliy ni ngar guyed chonngin e galasia man ayuweg raed ni ngar meybil gaed ni bay luman raed man un kok gubin e murwel u tabinaew (muguy ko D&C 20:47).
Bay yo’or rogon ni ngan chiylen nag bee’ ni nge meybil. Boed ni, rayog ni ngad michiged ni Got e ke motochiyel nagdad ni ngad meybil gad ni gubin ngiyal, fa ku rayog ni ngad weliyed boch e kanawo’ u lane chep nib thothup fa lane pi yafos rodad u napan keyib i pi tawa’ath udakaen e pi meybil ko magaer, liyor, nge duwer. Boed ni, rayog ni nggu micheg ni gu manang ni Chitamangdad nu Tharmiy e ma fulweg taban e meybil. Ke yib ngog e lowan’ nge gapas u dakaen pi thin nike yib nga lanin’ug, ma gumanang udaken fare Kan Thothup ni pi thin nem e ke yib rok Got.
Ke buch rok Joseph Smith e pi thomthom nem, ma ku rayog rom. Ke athapeg re fulweg ney ni bachan ke meybil nib yul’yul’:
Ke yog Got ngak e gapas me yoeg ngak ni gafgow rok e dabi n’uw napan.
Ke yoeg ngak ni fa’anra yan u fithik nib mangil rogon, me Got e ra falfalen’ ngak u Tharmiy (muguy ko D&C 121:7–8).
Binem e yi’iy nikeb rok e Chitamangiy nib runguy ngak faak u fithik magawon. Gubin e bitir rok Got rayog ni nge puruy nag ngak udakaen meybil. Dariy thin kan noeg bee’ ni ke ayuweg neg boed rogon pi thomthom ko t’ufeg nge tamilang ni be yib ngog udakaen pi fulweg ko meybil rog ni sobut.
Me yib michaen’ ngodad ko urngin e motochiyel ku Got fini ngad koel falan re motochiyel nem (muguy John 7:17). Biney e motochiyel e ba riyul’ ni ngad meybil gad ni gubin ngiyal’ ni gadad be non nibay kuman dad ma ba mith. Ni bachan gag e sensey nge fagaer rom, gu micheg ngom ni Got ra fulweg pi meybil rom, ma udakaen e gelingin ko Kan ni Thothup, rayog ni ngam nang rom ni pi fulweg ke yib Rok.
© 2012 ko Intellectual Reserve, Inc. Gubin ni mat’won ma bay. Nni yoloy u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Ni pilyeg ko First Presidency Message, February 2012. Yapese. 10362 905
Tin ni yibe Fil ko Biney e Mulwol
-
“Pi sasing e rib mangil ni ngan murwel ngay ni ngan fil rogon kenggin e machib” (Teaching, No Greater Call [1999], 176). Mu dag e sasing ni ya’an Joseph Smith fa Bin Som’on e M’ug. Mu puruy niged re n’en ni ke buch ngak Joseph Smith u dakean e meybil. F’anre kam susun ni ba “Chitamangdad nu Tharmiy … nib chugur,” boed President Eyring, mangra thil rogon pi meybil rom?
-
Boed nibe yoeg President Eyring, mu lemnag ni ngam weliy e mich rom ni mornga’agen e meybil, weliy e pi tawa’ath ni ke yib ngom ni bachan e meybil, fa mu bi’eg boech e chep nib thothup ni marnga’agen e meybil.