Lamharon
Gingiyahan sang isa ka Buhi nga Propeta
Sang 16 anyos ako, nakahigayon ako nga magtambong sa pang-kabilugan nga komperensya sing personal sa nahauna nga tion. Ang akon panimalay nagapuyo sa nabagatnan sang Oregon sa Estados Unidos, kag nagbiyahe kami pa-Utah agud magtambong sa komperensya kag agud idul-ong ang akon magulang nga lalaki sa missionary training center.
Nagkadto ako sa komperensya nga may handum nga matudloan sang Balaan nga Espiritu. Bilang resulta, nakabaton ako sang pagpabatyag gikan sa Espiritu nga ayhan wala ko mabaton kon wala ako mismo naghanda sang akon kaugalingon.
Sa tion sang isa sa mga sesyon, ang tanan nagtindog kag nagkanta sang congregational hymn nga “Guide Us O, Thou Great Jehovah.” Samtang nagakanta kami, napadasig ako nga magtan-aw tan-aw sa palibot sang Conference Center. Ginhimo ko ini kag natandog ako sang gahum sang pag-isa sang linibo ka tawo didto samtang tanan kami nagakanta sa pagdayaw sa Dios.
Dayon nakaeksperiyensya ako sa diin nakabatyag ako pareho kay Nefi sang makita niya ang palanan-awon sang kahoy sang kabuhi, tungod ang Espiritu nagsiling sa akon, “Tan-awa” (tan-awa sa 1 Nefi 11–14). Gintan-aw ko si Pangulong Thomas S. Monson kag nabatyagan ko nga ang pag-isa sa Simbahan nagluntad bangud ginagiyahan kita sang isa ka buhi nga propeta. Paagi sa pagsaksi sang Balaan nga Espiritu, nakahibalo ako nga si President Monson isa ka matuod nga propeta para sa aton nga panahon, kag nakahibalo ako nga si Jesucristo nagagiya sining Simbahan paagi sa iya.