Jodikdik ro
Kar tōl jen juon Rikanaan Emour
Ke Iaar 16, Eaar aō iien em̧m̧an ñan pād ilo kweiļo̧k eo eļap ilo armej ej kab juon kōttan. Baam̧le eo aō eaar jokwe ilo western Oregon, USA, im kōm ar ettōrļo̧k n̄an Utah ñan pād ilo kweiļo̧k eo eļap im ñan bōkļo̧ke ļeo jeiū ilo missionary training center eo.
Iaar etal ñan kweiļo̧k eo eļap kōn juon ikdeelel ñan ekkatak jen Jetōb Kwojarjar eo. Āinwōt juon tōprakan, iaar bōk juon m̧ōdenļo̧k jen Jetōb me bōlen iban kar bōke ñe iaar jab kar kōpooj eō make.
Ilo juon iian m̧weñan ko, kajjojo raar jutak im al al in jar eo ippān doon, “Guide Us, O Thou Great Jehovah.” Āinwōt am kar al, ewōr aō im̧we ejenoļo̧k ñan reito reitak ilo Conference Center eo. Iaar kōm̧m̧ane im kar ilbōk kōn kajoor eo an ikūtōltōl in taujin ko in armej ijo āinwōt am aolep kar kotak ainikiem ilo nebar ñan Anij.
Innām ear wōr juon aō eñjaake me iaar eñjaake āinwōt Nipai ke e ar lo m̧ōdenļo̧k eo an wōjke in mour eo, bwe Jetōb eo ear ba ñan eō, “Ta kwōj lo e?” (lale1 Nipai 11–14). Iaar reilōk ñan Būreejtōn Thomas S. Monson im kar eñjaake bwe ikūtōltōl eo an Kabuñ in eaar pād kōnke jaar tōl kōn juon kanaan emour. Kōn kam̧ool eo an Jetōb Kwojarjar eo, Ijeļā Būreejtōn Monson ej rikanaan eo em̧ool ñan rainin ad, im ijeļā bwe Jisōs Kraist ej tōl Kabuñ in kōn e.