Ennaan eo an Būreejtōnji eo Kein Kajuōn, Maaj 2012
Etke jej aikuj Rikanaan ro?
Kōnke Jemedwōj Ilañ ej iakwe ajri ro nejin, ejañin kar kōtļo̧k er ñan etetal ilo mour in ilo ejjeļok tōl im kajiniet. Katak ko an Jemedwōj Ilañ rej jab āinjuon, kajjimalele, jejtokjen rot en komaroñ ātetok wōt ņa ilo juon bok epidodo kūlin ilo m̧ōn wia bok ko. Er rej māletlet eo an aolep kajoor, aolep-jeļāļo̧kjeņ Armej in celestial eo ej iakwe ajri ro Nejin. Eaar watōk wōt ilo naan ko An ej ittiņo eo em̧m̧antata—kii eo ñan m̧ōņōņō ilo mour in im ilo laļ eo ej itok.
Jemedwōj Ilañ ej kwaļo̧k m̧āletlet in ñan ajri ro Nejin iion laļ kōn rikanaan ro rikarejeran (lale Amos 3:7). Jen raan ko Adam, Anij eaar kōnono ñan ajri ro Nejin kōn kar ijjitōñ in kanaan jān ro rej eddoin kōn kwaļo̧k An kilaan im kipeļ n̄an ro jet. Rikanaan ro rej rikaki ro kar im̧ōk im iien otemjej rej rikam̧ool ro rejenolo̧k an Jisōs Kraist (lale lale D&C 107:23). Rikanaan ro rej jab kōnono wōt ñan armej ro an iien ko aer, bōtaab rej bar āinwōt kōnono ñan armej ro ilo aolep iien. Naan ko rej āinwōt ilo tōre ko tok im rej āinwōt wōt kiiō āinwōt juon kallim̧ur in An kilaan Anij ñan ajri ro Nejin.
Rainin ej jab oktak jen epepen ko jem̧aan. Irooj ejjab iakwe armej ro ilo raan kein ad edikļo̧k jān iien ko jem̧aan. Juon iian ennaan ko elukkuun aiboojoj an Jepļaaktok eo an Kabuñ eo Jisōs Kraist ej bwe Anij ej wōnm̧aanļo̧k wōt ñan kōnono ñan ajri ro Nejin! E ej jab tiliekek ilo lañ ko bōtaab ej kōnono rainin āinwōt E ar ilo raan ko etto.
Enañin aolep ta ko Irooj ej kwaļo̧ki ñan rikanaan ro An raar kōm̧m̧an ñan bōbrae būrom̧ōj n̄an kōj āinwōt kajjojo im āinwōt jukjuk in pād ko. N̄e Anij ej kōnono, E ej kōm̧m̧ane ñan katakin, im̧we, karreo, im kakkōl ajri ro Nejin. Ñe ro kajjojo im jukjuk in pād ko rej kōjool naan in jiroñ ko an Jemedwōj Ilañ, innām rej kōm̧m̧ane ilo kaal in melijjoñ, eñtaan, im ļap jerbal.
Anij ej iakwe aolep ajri ro Nejin. Eñōne ej etke E ej lukkuun akweļap ippād kōn rikanaan ro An. Ainwōt ad kōņaan ta em̧mantata ñan ro jej iakwe, Jemedwōj Ilañ ej kōņaan ta em̧m̧antata ñan kōj. Eñōne ej etke kōmeļeļe ko An relukkuun aorōk im jet iien aikuj kōmm̧m̧an iien eo em̧ōkajtata. Eñōne ej etke E ejañin eļļo̧kjen kōj rainin bōtaab ej wōnm̧aanļo̧k wōt ñan kwaļo̧k An kilaan ñan kōj kōn rikanaan ro An. Ad mejān kajik im mejān kajik eo an laļ in ad rej pedped ioon ad roñjake im ļōm̧nake naan in im̧we eo an Anij ñan ajri ro Nejin.
Kōmeļeļe ko an Anij rejej oņāer ñan armej kar loi ilo Baibōļ eo, Bok in Mormon eo, Doctrine and Covenants eo, im Pearl of Great Price eo. Ilo kakobaba, Irooj ej kōnono ñan kōj kōn ro rikarejeran, āinwōt bar An kilaan ilo kweilo̧k eo eļap ej itok wōt.
Ñan ro rej kejo̧kļo̧kjeņ eļan̄ñe men in emaroñ in—wōn emaroñ kar kajjitōk, “Emaroñ ke bwe Anij ej kōnono ñan kōj rainin?”—kōn aolepān būruwō Ij karuwaineneik eok ñan “kwōn itok im lo e” (Jon 1:46). Liñūri naan ko an Anij āinwōt loi ilo jeje ko rekwojarjar. Roñjake kweiļo̧k eo eļap kōn juon lo̧jinñi ekōņaan roñjake ainikien Anij letok kōn rikanaan ro An raan eo āliktata. Itok, roñjake, im loe kōn būruwōm̧! Bwe eļan̄ñe kwonaaj pukōte “kōn juon bōro em̧ool, kōn lukkuun kōttōpar, im ewōr tōmak ilo Kraist, [Anij] enaaj kwaļo̧k m̧ool in ñan kom̧, jān kajoor eo an Jetōb Kwojarjar” (Moronai 10:4). Kōn im ilo Kajoor in, Ijeļā bwe Jisōs Kraist ej mour im ej tōl Kabuñ in An kōn juon rikanaan emour, aaet Būreejtōn Thomas S. Monson.
Ro jeiū im Jatū, Anij ej kōnono ñan kōj rainin. Im E ej kōņaan bwe aolep ajri ro Nejin ren roñjake im pokake Ainikien. Āinwōt ad kōm̧m̧ane, Irooj enaaj kōjeram̧m̧an im dāpij kōj ilo eļap, jimor ilo mour in im ilo laļ ko rej itok wōt.
© 2012 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin English: 6/11. Kōmālim an Ukook: 6/11. Ukook eo an First Presidency Message, March 2012 Marshallese. 10363 874